جفاك .. وساعته .. !!

[مشاري الشليمي]

الســلام عليــكم ..

متــواضعه دون مستوى ذائقتكم ايها الكــرام ..

فقط ..

اقبــلوها ...



[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]انت ما تدري عسى عمرك طويــل .. !! = ان حبك للـ خفوق وداعته ..
وان هجرك يجعل الخافق عليل .. = واللي اقسى من جفاك .. اشاعته ..
كل ما هب الجفا صوبي .. اميل .. = وارتعد .. والدمع عيني زاعته ..
ما قويت انسى خيالك .. يا الخليل .. = والغذا شوفك .. وعيني جاعته..
انت ساسك مثل هامات النخيـل .. = من نوى .. حط القدر شماعته ..
وانت خشمك مثل ما سيف ٍ صقيل .. = بـإيد من يحمي حما جماعته ..
والحجاج هلال للـ شهر الفضيل .. = صامت الدنيا بعد اذاعته ..
وانت رمشينك مسافات وصهيـل .. = والكسل بـ الجفن .. من لكاعته ..
وانت خدينك كما قدحة فتيل .. = من يدين اللي قدح ولاعته ..
والشعر غوج ٍ اليا غز الشليل .. = تعزف رجوله نغم ايقاعته ..
مبسمك مثل الكرز .. يا ليل ليل .. = الله اللي ابدع بـ زراعته ..
وانت هرجك لا طلع منك ثقيل .. = تنطرب لجله اذن سمـّـاعته ..
والدلع عندك .. مثل شيك البخيـل .. = بس همه تمشيـت بضاعته ..
ما ذبحني غير زينك يا جميـل .. = فوق هيبة جدك .. وشجاعته ..
وانت تدري ان لك صاحب أصيل .. = ما يبيعك لو ظروفه باعته ..
بس وصلك يا حبيبي مستـحيـل .. = في عيون اللي عيونك راعته ..
دونك الرماي وسيوف ٍ وخيـل .. = والشرف والعرض .. ماني ناعته ..
اكرم المحتاج وابناء السبيل .. = وساعد اللي طاح بـ اقصى قاعته ..
شوف حالي من بعد هجرك نحيـل .. = والمعالج من لقاك .. إطماعته ..
الهجر ما راح يجمع لك حصيـل .. = الهجر طالبك ارفض طاعته ..
الخفوق اللي من الفرقا يسيل .. = وش تفيدك صدتك .. لا لاعته ..
دامها صارت كذا .. يا اقسى خليل .. = استمع .. وقتي ما احب اضاعته ..
في امان الله يا الطرف الكحيـل .. = والله لا يبارك جفاك وساعته ..[/POEM]

 

[عبدالعزيز رشيد]

جميل جدا الخوض في البحور والقوافي والمدّ والجزر بين الشاعر وبينها
والاجمل ان نجد في خضمّ ذلك مثل هذا الشطر \ العطر المنساب بسهولة واناقة
ما يبيعك لو ظروفه باعته
أخي مشاري كلّ التحايا لك

 

[مشاري الشليمي]

المشاركة الأصلية كتبت بواسطة عبدالعزيز رشيد

جميل جدا الخوض في البحور والقوافي والمدّ والجزر بين الشاعر وبينها
والاجمل ان نجد في خضمّ ذلك مثل هذا الشطر \ العطر المنساب بسهولة واناقة
ما يبيعك لو ظروفه باعته
أخي مشاري كلّ التحايا لك

سيدي ..

لا جميل الا مرورك ..

صح بدنك ..

 

[مشعل ذباح]

الله يا مشاري


حرفنه ورب الكعبه


حرفنه حتى في اختيار القافيه


لله درك يا شيخ


تقبل اعجابي ومتابعتي ,,

 

[مشاري الشليمي]

المشاركة الأصلية كتبت بواسطة مشعل ذباح

الله يا مشاري


حرفنه ورب الكعبه


حرفنه حتى في اختيار القافيه


لله درك يا شيخ


تقبل اعجابي ومتابعتي ,,

يا هلا يا بو ذباح ..

تشكر يا افندم ولا هنت ..

اطراءك جميل يا سيدي ..



قبـلاتي وتحياتي الى اخواني ..

عبدالله ذباح , لافي ذباح

 

[نواف التركي]

مشاري الشليمي
هذه البحور خاصه وبصمة تميّز لـ فئه إقليميه
رائع يا مشاري

صح قلبك
ولا هنت

 

[مشاري الشليمي]

المشاركة الأصلية كتبت بواسطة نواف التركي

مشاري الشليمي
هذه البحور خاصه وبصمة تميّز لـ فئه إقليميه
رائع يا مشاري

صح قلبك
ولا هنت

يا هلا يا نواف بهـ المرور المختلف عن سابقيه ..

صح بدنك يا حبيبي

 

[قايـد الحربي]

مشاري الشليمي
ــــــــــــ
* * *


جميلٌ هذا البحر و ومازاد روعته
إلاّ إتقانك للقافيته وساحله

شكراً لك