مُتنفس .. شِعري !

[زايد الشليمي]

*
[

[u

:
(((( أمي ..))

كان هـذا الكون كلّه في غَمامك
أمْســك ثريّا .. وأنَا واقِف مَحَلِّي
:
جيــتِك تصلِّي ..وأنَا أسْمَع كَلَامك
لوْ بَــعَد تخْطِين غايَة بالتَّـــجَلّي
:
لو بـَغَيـنَا نِهْتِـدِيبِك..من ضلالك
سُمـْرتِكْ مِصْـباح ..ونزولك
تَعَلّي
:
لو تضيق الأَرْض يِكْــفِينِي سَلَامك
انتي أجمل شيء... بالدنيا حصلي
:
والله ان الشمس تسجد في مقامك
تسجد بكفّك ....اذا جيتي تصلي ..



[/u]

 

[نايف الروقي]

آه يازايد ..

لو طبيب الموت دكتور استشاري "
جاب طبه يقدر يرجع لي امي..!!

 

[زايد الشليمي]

[

يقـول استاذ استاذي
ثاني كميهان العرد

:
أمّا بهذي مامعك حق ياموت
ماقلت تاخذني قبل تاخذ امي

/

نايف .. يانايف
وحشني حرفك
:



:
زايــد .

 

[سليمان عباس]

كنت سأكتب هنا اليوم

لا شيء مجرد ثرثره

ولكن وجدت المكان مهيبا هنا


فارتفع ضجيج الصمت

وردة لقلوبكم

و

لا بأس سأعود لاحقا

 

[نايف الروقي]

الصقور لاتطير جماعات …!!!

 

[زايد الشليمي]

مافيه داعي .. نصير اخوان
يمكن معارف بعد .. أحسن
:
عزّيت نفسي بدمٍي خان
في وجه ابوي أبي مَسْكن
:
حاولت أبقى على الإيمان
عقيدةَ السيئ المُحسن
:
وش يشفي الروح ياعدنان
قِلّي ترى الجرح ذا مُزمن
:
تعبت أبحث عن الانسان
في داخلي أوصله ممكن
:
أكبر من الويل والأوطان
يامات في داخلك مؤمن
:
باقي على العهد مهما كان
واضحك لوِنْ الوضِعْ مُحزن
:
أقَلّب الليل،.،.دانه دان
وارقّص الورد لين انجن
:
ضحكت من كثرة الأحزان
أنثر على شوكها سوسن
؛

:





زايد..

 

[نايف الروقي]

/
\
‏(( ذكرى …))
‏صوت من خيال سرمدي المدى،
بلا مقدمات تخرج من الاحساس الطبيعي لما فوق الخيال،
نعم كرهت بسببها حتى صوتي،
استجمع قواي للهروب من صوتها وأقع في نفس الفخ
منذ عيد الفراق قبل قبل …. تباً لقد نسيت كل شئ إلا صوتها ..!!!

 

[زايد الشليمي]

(يمّه )دخيلك قلتلك لاتموتين
مافادني صبري ولافاد صبرك
:
موتك كسرني وانغرسْ ألف سكين
ياما وقاني.... لاتزاملت .. بِرّك
:
حبيت إقدامك شرَفْ لين ترضين
ياليتني مابين .. همك ..وصدرك
:
ياليت أقدر أقبرك بين ضلعين
دوّرت قبرك .. بالسما كان قبرك
:
أنا ((جنينك ))لو بلغت الثمانين
لازلت مخلصلك على حد خبرك
:
ياجيت يمّك في مكانك تصلّين ..
يازين قرآنك ..خطاياك .. أجرك
:
((يمه)) كفوفك تزرع الروح بالطين
هذا القدر مايعرف .. شلون قدْرك
:
يانمت جيتي فوق راسي تنادين
أسمعك بعيوني وانا اقول أمْرك
:
واسمعك تقري سورة العصر والتين
وأنا أتلعثم .. ياترى صرت مدرك..
:
واثره خيالك ماتركني... لهالحين
اخاف من بعدك انا اصير مشرك
:
حبك عقيدة .. داخلي ليت تدرين
ياليت عمري راح ... وانتي بعمرك
:


زايد..