إشتقت/لي

[بدرالموسى]

نجوع وناكل الغربه
ونعطش نرتوي كذبه
وننسى في جسدنا بطون
ولا يدرون

نضيع بعالم الحاجه
سجين وناطر فراجه
ترى مثلي يجي مليون
ولا يدرون

عرايا ونلبس الدمعه
شتانا عظام مجتمعه
نسوا من بردهم يدفون
ولا يدرون

نسينا هالطفوله شلون
ترى والله ما يدرون
ترى والله ما يدرون
ترى والله ما يدرون

 

[بدرالموسى]

الرصيف فراش
وغطاي الهموم
والوسادة تشبه ألوان الغطا
والصحن يبكي
ودموعه كفوف
يا عطا
عجل علينا يا عطا
هالحكاية مكرر
في كل يوم
وش يسد الجوع
وصحوني فضت
والعشا ِنكمله
غفوه ونوم

 

[بدرالموسى]

دقايق بس من فضلك بلا مجهر بلا تكبير
نبي نسعى له لو نقدر نصد الجوع وإجحافه

تأمل شوف بعيونك وفسر عيشة التحقير
فقير أكثر من اللازم يموت الموت لا شافه

 

[بدرالموسى]

يبه ولدك ترى ضايق
عليه من الهموم جبال
قيود مكبله روحه
دموع احزان
مبحوحه
على هالحال
وجروحه
بكت من صوتك الغارق
وسط اهات مطروحه
تنادي يابدر وينك
وانا بقيودي اتعذب
بكت عيني دمع عينك
تناديني


تعال
تعال
تعال

 

[بدرالموسى]

يا مصور
ايه صور بالامانه
هالعجوز الي تضيع بهالشوارع
اشربينا ذل
ونشربك بمهانه
ما نشوفك
ما نحس بهالمواجع

 

[بدرالموسى]

قول
ايش اخلي
وايش أقول
الفرح فصل الخريف
والربيع يمرني طيف
والنهار اللي اشوفه
من ليالي فصل قالوا
عنه البرد الشديد
علموني شـ الجديد
دامها الدنيا عطتني
بالحزن أربع فصول
ملني حزني لأنه
هالحزن طبعه ملول

إيش أخلي
وإيش أقول

 

[بدرالموسى]

على هالحال لي مده
وفي هذا الحزن وياي
أصيل وما يفارقني
ولا يرضى بغير بكاي
نسى يوفيلي بوعده
على هالحال من مده