(( ضفــاف الفـقـــر ))

[عبدالعزيز رشيد]

" ضفاف احلام
وفتات اماني "


.
.
.




جاني مثل قطرة ندى فيها علامــــــات الجفـــاف
************أو مشية البنت الخجوله علّمـــت عنهــا الحجـــول

جاني يداري ليلته يبغـــــى خـــلاص وانعطــــاف
***********ينجيه من دربٍ مــــــلاه الجـــوع والحـــظّ الخمـــول

يقول : جيتك عاصيٍ دربي وانا جـيـــت اعتــراف
***********ياحظرة ( الوافي ) وهذي قصّــة الصمت البتــــول

لي ليلةٍ غدرى كساها البرد والـلــــيل انتصــــاف
**********تدثّرت فينا عرايا وقالــــــــت انصـــاف الحلـــول !!

ياويـل ويلــي ليـت ليـــل الويـــل جانــا باقـتـراف
***********أتوهّم الأحلام وادري بيـنـــها وْ بينـــي قفــــــول

كنّ الشقى جانا ورمــــــى عنّا نهايات المـطـــاف !
**********كنّ التعاسه سالفتنــــــا الّي لها شــــــرحٍ يطـــول

واحلامنا وآمالنا بارض الرخـــى بْـــشـــــطّ الضفاف
**********مانرتجي عنها وعن بحــــــر الفقـــر زود وْ جــزول

صرنا ضيوف الليل جينـا اعــراســـه بْـلـيــلـة زفاف
***********نام الغني عنها وحـضــــرناها وْ بنا عزّ خجـــول !

مدري خلاص الحال طفل ٍ من ظلام الليــــل خــاف !!
***********ياكم تعبنا نرتجي ايّامٍ لهـــا فجـر ٍ كـســــــــــول

صرنا فـْـكتاب التيه مـضـــمون وْ مثَل مـِـثل الغلاف
************شفنا الشقى ضيــــفٍ لفانا بـْـليلـــةٍ فيهــا هطـول

واليوم جيتك .. ! قلت: انا بالي سرى فيني وطاف
***********من اوّل القصّه غفابي الدمع .. مدري وش تقـول ..!





ولكم تحيّاتي

 

[عبدالعزيز رشيد]

ماعليييش
بس مابغيت النصّ

ينحرم من حضوركم

 

[شاعر البدر]

صحْ لسانكْ مدد...ياعبدالعزيز

 

[وائل فهد]

عبدالعزيز رشيد

اسعدني قراءه هذا الجمال
نص رائع وراقي
دمت بكل خير

 

[عبدالعزيز رشيد]

شاعر البدر
ياما تغنّيت اخطب ودّ البدر
لجل نوره الباهر ..

 

[عبدالله ثويني المانع]

..

عبدالعزيز رشيد .. أهلاً بك وبما حملت من الجمال
نتشرف بحضورنا في متصفحك
لك الشكر والتقدير .. بانتظار القادم الأجمل



أرق التحايا لقلبك

..

 

[عبدالعزيز رشيد]

وائل فهد

لك شكري مدد
ومداد الاقلام شحّت لتكتب الشكر الائق لك..

تقبل تحياتي

 

[عبدالعزيز رشيد]

اخوي

عبدالله

قدومك مطر .. لا تكاد الارض تطيق حرمانه ..
دمت ولك
تحياتي