في مهب الريح

محمد فرج · 05-07-2011, 09:00 AM

تدري اني صرت بعدك ريشة في وجه ريــــح
تايهٍ بين اتجاهات الوجــــود الأربعــــــــه

شوفني حدر الظنون الموجعات انهض واطيح
كلما هزت جفوني مزنة الدمع امنعـــــــــه

اتصبر ولا انا في حسبة الطير الجريــــــــــــح
يوم ثار الملح واقفى سربه ، وماهو مــعــــه

الجناح اقصر من المرقاب والحظ الشحيـــــــح
ما تجمل خانه الله لين ياخذ موقـــــعــــــــه

الفراق انواع واقساها تبا القول الصحيـــــــــح
ساعة اقفى مركب الذكرى ولا حدن ودعه

ساعة لا جت فبالي قلت : وينك يا المريـــــــح ؟
ما غشاك اللي مشاش القلب ضمه واشلعـــه

غرب وشرق بقلبي صاحب الذوق المليـــــــح
بالغلا قفل عليه وبالمحبــــــه شمعـــــــــــه

والله اني لو بغيت اوصف شعوري بالفصيح
كان قلت : (أواه ما أقسى النوى ما أوجعه )

لو بكيقي لجدع شماغي على دربه واصيـــــح
يوم ودعني برمش العين واومى باصبعــــه

بالطريق اللي به القمرا على الغره تضيـــــح
والنفوس عن الطقوس الهينه مترفـعــــــــه

الوكاد اني أحبه لو يصد ولــو يشيـــــــــــــح
حب ٍ اكبر من حروفي لوبغيت استجمعــــه

وديع الأحمدي · 05-07-2011, 10:30 AM

محمد فرج ..

تأتنا دائما محملا , بالكثير ..
جميل يا محمد ..
دمت بود

تحاياي

هـيـفـااللاّفـي · 05-07-2011, 10:34 AM

شوفني حدر الظنون الموجعات انهض واطيح
كلما هزت جفوني مزنة الدمع امنعــه
.
.
صباحاتك شعر يامحمد
.
.
تقديري

محمد فرج · 05-07-2011, 02:34 PM

لو بكيقي لجدع شماغي على دربه واصيـــــح
يوم ودعني برمش العين واومى باصبعــــه

القصد :
لو بكيفي ،
عارف ان المعنى واضح
بس خايف من بعض الناس يصيدني ,
بيدي لا بيد عمرو كما يقول المثل .
شكرا لكل من مر من هنا .

تفاصيل منسيه · 05-08-2011, 09:36 AM

محمد الفرج

كما أقول دائما::لآحدود لرقيك..
صح لسانك ملآيين,,,,
أبيات تنبض بالإحساس والروعه..
سعدت بمروري من هنا..فتقبله,,
دمت بود

ميــرال · 05-08-2011, 12:11 PM

ساعة لا جت فبالي قلت : وينك يا المريـــــــح ؟
ما غشاك اللي مشاش القلب ضمه واشلعـــه

هذه الروح وهذا الأحساس ينضحان عذوبه

مختلف دائما يامحمد في حضورك وحرفك
كل التقدير
ويسعد مساك