ليته كــــان طيش !

[بدرية البدري]

[ ليته كان طيش ]

من متى والليل يبكي لو تباعد عاشقين
ــــــــــــــــــــــــــــــ كلّما مدّوا يديهم طاح حلْم وْمات وعْد
بسّ هالليلة كئيبه وْكلّ ما فيها حزين
ــــــــــــــــــــــــــــــ كنّها تشيّع حبيبٍ جفّ في كفّيه ورْد
واذْكر انّي
كنت اشاور للنجوم
هذي قلبك
هذي وجهك
هذي عينك ..
تحرس عْيوني وتدري ..
كم اخاف من الظلام
واذْكر انّي
كنت أرسل قلبي بْنبض الأغاني
كانت الكلمة تسافر
من عيوني ..
وْكانت عيونك مواني
والتفت للعمْر خلفي
كان في زحمة حضورك شبّه منسي
مثْل أقدار الورق والحظّ ريح
أو حديث المُبتلى للمستريح
أو ..
ولا شيْ يشبهه غير السقوط
لْقاع ما له أيّ آآخر
.
.
شفْت ؟
كيف اتْساقط وْتعجز تلملمني يديك
بعد ما خانت يديني يوم كانت تركض بلهفة إليك
وانطفت من قبْل تبدي بالكلام
يا حبيبي
صوتي الليلة وهو يرجف وحيد
ما سمعه الا الظلام ..
وْلا حضنه الا الظلام
وانْت علّمت الحروف تْموت بدري
كثر ما كانت تسابقني إليك
صارت الليله تْتهاوى
كم ذبل منها ..
وكم مكسور خاسر
وارجع لوجهي واظنّه ما عرفني
ظلّ يتلعثم بدمعي وْيختنق بي
أو كأنه
جمّع الباقي من ايّامي وغادر
لو تعلّم قلبي المجنون ينساك وْيعيش
ــــــــــــــــــــــــــــــ دون ما تسكن دعائه كلّما يختم صلاه
دون نبض وْدون حلْم وْدون ما يسألْك ليش
ــــــــــــــــــــــــــــــ أو يعاتب طيفك المزروع في صدره حياه
الفراق اللي خذاك بْعيد ليته كان طيش
ــــــــــــــــــــــــــــــ والحنين اللي ذبحني ليته غْيابك محاه
.
.

 

[ساره عبدالمنعم]

صباحك ألق
ولإبداع لا مثيل له
دمت بخير والخير لك
حليف

 

[حمود الحجري]

المشاركة الأصلية كتبت بواسطة بدرية البدري

[ ليته كان طيش ]

من متى والليل يبكي لو تباعد عاشقين
ــــــــــــــــــــــــــــــ كلّما مدّوا يديهم طاح حلْم وْمات وعْد
بسّ هالليلة كئيبه وْكلّ ما فيها حزين
ــــــــــــــــــــــــــــــ كنّها تشيّع حبيبٍ جفّ في كفّيه ورْد
واذْكر انّي
كنت اشاور للنجوم
هذي قلبك
هذي وجهك
هذي عينك ..
تحرس عْيوني وتدري ..
كم اخاف من الظلام
واذْكر انّي
كنت أرسل قلبي بْنبض الأغاني
كانت الكلمة تسافر
من عيوني ..
وْكانت عيونك مواني
والتفت للعمْر خلفي
كان في زحمة حضورك شبّه منسي
مثْل أقدار الورق والحظّ ريح
أو حديث المُبتلى للمستريح
أو ..
ولا شيْ يشبهه غير السقوط
لْقاع ما له أيّ آآخر
.
.
شفْت ؟
كيف اتْساقط وْتعجز تلملمني يديك
بعد ما خانت يديني يوم كانت تركض بلهفة إليك
وانطفت من قبْل تبدي بالكلام
يا حبيبي
صوتي الليلة وهو يرجف وحيد
ما سمعه الا الظلام ..
وْلا حضنه الا الظلام
وانْت علّمت الحروف تْموت بدري
كثر ما كانت تسابقني إليك
صارت الليله تْتهاوى
كم ذبل منها ..
وكم مكسور خاسر
وارجع لوجهي واظنّه ما عرفني
ظلّ يتلعثم بدمعي وْيختنق بي
أو كأنه
جمّع الباقي من ايّامي وغادر
لو تعلّم قلبي المجنون ينساك وْيعيش
ــــــــــــــــــــــــــــــ دون ما تسكن دعائه كلّما يختم صلاه
دون نبض وْدون حلْم وْدون ما يسألْك ليش
ــــــــــــــــــــــــــــــ أو يعاتب طيفك المزروع في صدره حياه
الفراق اللي خذاك بْعيد ليته كان طيش
ــــــــــــــــــــــــــــــ والحنين اللي ذبحني ليته غْيابك محاه
.
.

من متى والليل يبكي لو تباعد عاشقين

الله يا بدرية
هذا المقطع بحاله قصيدة
في عين المفجوع بحبيب كل ما حوله يبكي ، يتأوه ، يتدثر بالحزن والليل
شيئا من هذا لا يحدث سوى في عينيه
بيد أن الأشياء لا تحفل بأحزانه وتأوهاته
انها الحقيقة الصادمة
الكشف المؤلم

 

[أنور السيفي]

الاخت الكريمة بدرية البدري

قرأنا الجمال هذا الصباح

دمتم للتميز عنوان

شكرا

تقديري

 

[نادرة عبدالحي]

الجرح عميق هنا يسابق الحزن لقلوب إتخذت المحبة عشيرة لها .
جعلتنا يا بدرية نسمع الصوت المشتاق وهو يرتجف وحيد في حلكة وبرد الليل .

الفراق اللي خذاك بْعيد ليته كان طيش
ــــــــــــــــــــــــــــــ والحنين اللي ذبحني ليته غْيابك محاه

الفراق من الامور الواقعية التي ترفض علينا تواجدها
والحنين شعور يولد بداخلنا يتكاثر يصيح ولا يقبل ان يكون بركان خامل .
الشاعرة بدرية البدري سلم قلبكِ وربي لا يحرمنا فكرك النير .

 

[رشا عرابي]

يااااااه يا حبيبة
أي لوعات كانت هنا سقيا مداد..؟!

بعثرتني التناهيد رفقة لحرفك
في حين لملمتني المآقي. .

لقلبك الرضا يا غالية
ولروحك السلام

 

[خليفه الصائغ]

يااااسلام ياااسلام

نص يحرك العاطفه جميل جدا وسلسل وصور


صح لسااانك يا مبدعه

 

[بدرية البدري]

اقتباس:
المشاركة الأصلية كتبت بواسطة ساره عبدالمنعم
صباحك ألق
ولإبداع لا مثيل له
دمت بخير والخير لك
حليف



سارة عبدالمنعم

شكراً لهذا الحضور العطِر

سماوات شكر