نصايح

[عبدالله البطي]

ابنصحك واعطيك التفاصيل حسب اقياس
مضامين بعض الي صدفنا مضامنها
نصايح بها عن بعض مامرك امن الناس
تنبهك عن بعض الرجاجيل وامنها
حلو منطق اليا جاك زاهي جميل الباس
لو انك عطيته ظهرك شوي نيشنها
يبيعك على زله يطاوع بك الجلاس
ابنصحك عنه وخذ دليلي وقارنها
تخير بخوتك الكريمه عريب الساس
وكب الردي دربه كثيرن مواهنها
بعضهم سوات النيف وبعض العرب بلاس
وحذراك ياسلطان تاثق وتامنها
وترى الاش لو انك عطيته فقير احساس
سلامتك عنه ارجى عن الربح لو انها
بنت لك قصور الود ماهي على ايت ساس
تطيح ويبين بالردى وجه معدنها