قالوا تحبه قلت ماهو ضروري
.........احب من لاحب قلبي مصيبه
اللي ظهوره في حياتي ظهوري
.........ياليت ..قلبه.. يعتبرني..نصيبه
لاجيت باعبّر عن اصدق شعوري
.........احس.في قلبي مشاعر عجيبه
احب واكره. واعتذر .عن قصوري
.........لوقصّر. المحبوب..قدّمت طيبه
احيان اقول اللي .. يقدر حضوري
.........قريب.. من قلبي .ونفسه قريبه
يحرص على وصلي تهمه اموري
.........كل. المشاعر. في وجوده مهيبه
شخص ٍ يثمن وقفتي لزم شوري
..........يترك كلام اللي ظنونه مريبه
أتقنت. فن الحب ..وأظهرت دوري
.........يوم بعض. الناس.. حاله. غريبه
يحب ياخذ ثم يجهل مروري
.........عمر المحبه ما تجي بالغصيبه
لا صار مايغريه شعري ونوري
..........حجبت نور الشعر مايعتزيبه
لا قلت باغني بصوت ٍ جهوري
........ذيب الهوى بالصدر يسمع قنيبه
كلمة احبك صعب .ترضي غروري
.........من دون فعل ٍيثبت اني حبيبه
...محمد_الثوعي
آخر المشاركات
06-13-2023, 01:11 AM
العرض الشجري