ظهر الغيوم

[غادة الحرف]

ياليل سرّيتك هواجيس وطروق
لين اشرقت شمس الصباح وتجلّت
.
كنت احسب إني لاسريتك ابا اروق
واثري فتحت اسرار صدري وزلّت
.
علّم نديم الشوق في لحظة شروق
وش شالت ايدين الليالي وخلّت
.
قل له ترى قلبي من الحب محروق
لامرّت الذكرى خيالي وحلّت
.
حبيبتك من قلت احبك وهي فوق
توسدت ظهر الغيوم وتعلّت
.
لو تبتعد عنّك وترجع من الشوق
طفله معوّدها الدلال وتغلّت
.
ماباقي الا قلب هايم ومعلوق
يمكن لو إنك قلت احبك تفلّت

غاده