زاوية حادة في متنفس الفقراء

[حمد الأسمري]

مساؤكم رضوان

مصافحتي الأولى

تقدمها لكم لقمة العيش الكادحة في ظل قيم الشرفاء ونبلهم



[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وقّف العقرب .. ونادت ساعتي ودك تنام ؟=ما بقى للنور ساتر والصبح وجهه طلع
انتهى عمر الثواني في مشاوير الزحام=قبل ما تلقى مراسي للغياب المصطنع
قائمة تفكير حبلى والأجنة بانتظام=تنتظر مولد نهاية للعذاب المندفع
لي متى ؟ تشغل ضمير الواعي بأمر اللئام=واللئيم أدرى بإنه ما سوى نفسه خَدَع
لي متى والحزن كلمة ما تثير الاهتمام=لي متى والجرح آخر ما نطيقه لو دمع
لي متى تبقى الأماني حلم في طهر المنام=كل ما مدت يديها للسما تلمس وجع
ولي متى ذنب الطفولة عشق رايات السلام=حتى صار الحلم صرخة في محيط المجتمع
ولي متى واحنا نسابق بعضنا بصف الكلام= لين ما صارت مداين حكينا تنبت خِدَع
لو نبي نغربل ولانا وننبذه ابن (......... )=خوفي الغربال يتعب مالقى فينا ( جدع )
واللي أدهى حال أمة من دويّ الاصطدام=رافضة تنطق حقيقة ( صعب والله نقتنع )
فضفضة حرف ٍ كتبته واللي مثلي ما يلام=بيتي أطفالي وجيبي صاروا عرضة للجشع[/poem]