طرق ٍ من الشعر مخنــوق

[محسن الشاهر]

اقتباس:المشاركة الأصلية كتبت بواسطة محمد العايد

يُضنيـــنا البــُـعد ونحَّّــنُّ للشعر وأبعــــاده..

لكل المارين من هنا باقات من الشكر والمحبة...
الإهداء :لـــ محمد بندرالوبير

[poem=font="simplified arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قرّب يابو بندر ترى القلب محروق = صبري زهقني واستحيت وزهقته
باسمّعك طرق ٍ من الشعر مخنوق =كم له يجول بخاطري مانطقته
مقيّـــد بأآهات وضلوع وعروق = خوفي يموت .ان مااستخرت وعتقته
ذقته وهمت الضيق وازريت لا افوق =(عز الله اني ضقت من يوم ذقته)
كن الهموم رماح والصدر مفتوق = مافيه همّ .ألا طعنـــّــي .وضقته
حلقي حنين ولابس ٍ ضيقتي طوق =كل ماتنفست امنياتي شهقته
مالي خليل وطاوي ٍ قلبي الشوق = رسمت خلـّي بالخيال وعشقته
احيان احس اني ملكّع ومطفوق = واحيان هرجي في لساني شنقته
واحيان احس اني من الناس مسبوق = واحيان حتى الغيم همت وسبقته
في غيبتي أحــن للوصل وأتوق = وقبل اللقا حَـــن ّالجفــا واعتنقته
أستنجد الذكرى(فرح)وافرش الموق= وان مـرّبي طاري سعادة فهقته
ودّي أروق..ونوب ماودّي أروق = ميــّـت ظـما.والما (طنيت)ودفقته
حلم ٍ سقيته عطف اثمر لي عقوق = عوّدت له ليل الهجاد وحرقته
ماهو صحيح ان كل مطرود ملحوق = قرّبت أموت وهاجسي مالحقته
هذي ملامح شاعر ٍ نظرته فـــوق = (ياكثر امانيّه)و(ياضيق وقته)
كتب على ورقته من الوجد طاروق = محــد ٍ نشد عنّه.وشقق ورقته!
[/poem]

يا محمد

مدري وش اخذ وش اخلي

كل بيت يقول الزود عندي

جميل جميل جدا يا محمد العايد بمعنى الكلمة انت مبدع

لا ارتوي شعرا الا من شعرك يا محمد

لديك احساس وحرف راقي لن يأتي بمثله الزمن

تقبل ودي واحترامي وتقديري لشخص الكريم واحساسك الراقي

مع التحية