حكـــــــاية عــــــــاشق

[جمال العتيبي]

اتمنى ان تحوز على بعض من الذائقه
تقديري


[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]طريقك موحش(ن) مظلم به الروحه بلا جيه=بدايه مالها نهايه سـراب وسكتـك حيـره
يذوب الشمع والسكر تموت احلام ورديـه=اصيح بديرة الصقهان عذاب وصعب تبريـره
ولاحد(ن) يسمع لقولي واشكي له بمـا فيـه=حكايه صارت لعاشق وحلم(ن) ضاع تفسيره
جيوش اوهام تغزيني تقـوم الحـرب فكريـه=وانا في موقفي صامد احارب جندها الغيـره
خيول الهاجس الحالم بساحة حـرب ثوريـه=يموت القائد ويبقى لجنـده بعـض تفكيـره
تعالي واسمعي قصـة غـرام ابيـات شعريـه=بطلها شاعر(ن) ضحى بعمره وانكتب سيـره
بداية قصته نضره لعين(ن) وصـف سحريـه=سبته وصار يتبعهـا بـلا رغبـه لتحريـره
وعاش بقصرها حارس نسى نفسه وماضيـه=يبيهـا قربـه وهمـه محبتهـا وتصبـيـره
ولكن طالت المـده نطقهـا يـوم عفويـه=حبيبة عمري اعلنها بعـد صمتـه بتعبيـره
وقف ينطـر يبـي رد ويبهـا تقولهـا هيـه=سمع ضحكاتها تملا المكـان بقصـد تحقيـره
تقول اصحى من احلامك غبي وتحب حوريـه=انابحر الهوى فيدي تشوف اشلون انا اديـره
سكت من هول صدماته رياح امواج بحريـه=عجز يوقف على اقدامه فقد نفسـه بتدبيـره
مشت تضحك على ضعفه ترد اصداء سمعيـه=تقول احب انا هذا يادنيا مـا بقـى غيـره
شظايا احلام قدامه حطـام وشهـب نجميـه=غزت قلب وحطام اصبح كسر ياصعب تجبيره
يموت الامل فجئه بسكتـت نبـض قلبيـه=ويدفن حلم في مهده غرام وحـان تدميـره
تثور السحب في عينه سيول امطـار دمعيـه=على خده تسيل احزان تفوق اوصاف تصويره
فهمتي ليه هالقصه عرفتـي قصـدي يابنيـه=اكيد انك فهمتيني اكيـد اوهـام ياصغيـره
بلاش نزود القصـه كـلام اعـذار رجعيـه=بلاش ودربنا الفرقا طريق لخطوتـي تسيـره[/POEM]