سوالف عرب على جال (نقدهم) *

[عبدالعزيز رشيد]

[poem=font="simplified arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ألا يا بارق يوضي جناحه=شمال وابعد الخلان عني
على دار بشرقي البراحه=تمخلت مابها كود الهبني
لكن بها عقب ذيك الشراحه=إلى مريت بأسم الله جني
يفز القلب فيها للصياحه=إلى قامت حمامتها تغني
توصيني لأهلها بالنياحه =يعود إن الحمام خير مني
وأنا إن كان لي بالنواح راحه=فانا بانوح دهري ما أوني
وترى الهم والسلوى نصاحه=ولا تسلين سلواني ومني
وأنا مانيب مثلك بالوقاحه =على ذا الطوف طرب وامتهني
ولا رجعت فن في براحه=على نبنوب غصن مرجحني
وقالت جامع كل الشراحه =ولا انت بسامع ذا الصوت مني
ومثلك يدعي زايد فصاحه =وطريح الغي لا زمته يوني
أبات الليل في رجوى صباحه =وأدق من الندم يالورق سني
على فقدي لغزلان الملاحه=طويلات المعانق سفهني
ولا ثوبي غدا يطرح اشلاحه =يدق القاع ردنه ومتثني
ولا أردح جزت من ذيك الرداحه =عقب خبرك ليالي لي مضني
عليهم صار خدي به قراحه=من الفرقا وشفني ويش كني
وقالت من مشى مثلك بساحه =وحاله حال من كثر التغني
وفي بحر الهوى يسبح سباحه=كثر شربه ولا هوب متهني
او من فقت فتوق بالفصاحه=وعرض مذهبه شيعي وسني
ومن خلى البنات بكل ساحه =يخفقن الدفوف بكل فني
أنا وإلا أنت يامن في مزاحه=يعرضني المنى بي بالتمني
وقلت لها ودمعي بانسفاحه =سقى ذا السفح من ذاك المغني
عسى من كاذب يكسر جناحه =ولا يحظى بمن له ولعني
فساد الغي ردك عن صلاحه=ونساك الثنى لأهل التثني
وأهل ذيك اللطافه والسماحه=رعى الله عيشهن ياما رعني
ولكن يوم صبري منك ماحه=وظنك بالهوى اخلاف ظني
فقوم وشوف لوني كالمحاحه =وأهل هالقيل مايحكون عني
وعاد اليوم لومك لي قباحه=تعاندني وقصدك تمتحني
على الله الهدى يامن صلاحه=إلى حنت بنات الشوق حني
حديثه بالهوى تروي صحاحه =ضعيفات النسايم بي ترني
عن الضحاك عن مبسم أقاحه=عن البراق عن ثغره روني
حبيبي كلما هبت رياحه=سفا للريح نوج ضاع مني [/poem]