ماهو القدر غلّاب (تفعيلة)

[بسام الرميلي]

السلام عليكم
بعد رسالة منها تقول "لا تسالني عن كيفي .. خلني على كيفي ....."
وهذا بعدما حالت بينهم الاقدار

فرد قلبه :

لا تذبحيني لوم ..
حالي كما حالك ..
ليلي سهر وهموم ..
و امسي معي اليوم
ويا ما اطولك يا امس
لا بدرٍ ضوى ليلك
ولا بينت لك شمس
.........

لا تذبحيني لوم
يا مجمل جروحي
يا كل جرحي انت
يا همسي وطيوفي
حالي كما حالك
لا سمْحت ظروفك
ولا سمحت ظروفي
....
و طبع القدر قاسي
ما يرحم الاحباب
يكفــيـك لا هنتي
ماهو القدر وانتي
تعبت بي انفاسي
واتغلقت الابواب
...
و طبع القدر غلّاب
..
لا تذبحيني لوم
جرحي معي اليوم
وباكر بعد باقي
يصرخ باعماقي :
"" يا هيـــــــه ليت القدر""
بس القدر غلاب
ماهو بكلمة ليت
ان راد يجمعنا
وان راد فرّقنا
ويبقى لك المعنى
يحمل معاه سؤال
ما يسألك كيفك
خلّك على كيفك
بس السؤال يقول :
...
"ما هو القدر غلّاب ؟؟ "