الليل سرمد

[بسام الرميلي]

السلام عليكم
هذي اول قصيدة اكتبها في حياتي كنت بعمر الـ 17 .. يعني تغاضوا عن تواضعها

_______________

يالله انـا عبـد وعنـاي اشــتد
من عـالعـنـا غيـرك يقـويـنـي

ليلــي طـويلٍ كاحلٍ سرمد
هـمـي كـبـيـر ومن يواسيني

جرحي عميـق ورايـده ينسد
ناديــت انـا يـا مــن يداويـنـي

والـصــوت لا فــرّق ولا وحـد
رديــت صـوتـي من يداوينـي

ولا سـمـعت الا الصـدى ردّد
ولا لقيــت الا الـصـبر ديـنـي

كـنّ الحـزن مختـارني له ند
ولّلا الفــرح كنــّه يعـاديـنـي

كل م انفتح لي الطريق انسد
كل ما استويت الهـم يثنيني

والنـار مـع زود الحـزن تشتد
كنـها على فرحـي تعـزينـي

لي مطلبٍ في دنيتي وابعد
كل ما اقتربت الموج يرميني

كنّ القدر بينـي وبيـنه حد
ولا دريـت ايـش بينه وبيني

والصاحب اللي فالرخا معهد
وقت الشدايد ما يخليني

راح الرخا وشد العصف وارعد
وباعني من كان يشريني