طهر الما ..

[عاتقه]

حباً في الشعر إقرأوها بعمق 🌹 ..








ياطهر الما .. دعاء القانتين و صادق الآمين
انا لك عن مغبات الافا .. حرزك وقداسك

تجرعت الرضا عن عذرك الواهي ولين الحين
مذاقه مر .. لكن يمتزج بالحلو من كاسك

انادي والظما كافر واقول آمر على الثنتين
بحضنك هالمدى فوضى لو انه بان متماسك

تعال انفث على قلبي تعاويذك عن التخمين !
وفك القيد من لعنة جفاك و بارد احساسك

قساوسة الجفا وان مهدوا لك سكة الناسين
بقى ذنب احتطاب الحلم واثمه عالق بفاسك

عظيم الشوق ماهزك حسود ولا حكي واشين
ومهما لجت افواه وحناجر ما انثنى باسك

وانا لولاي انا .. وادري مكانك خانة الوافين
ماكنت العاكفه مابين تصويرك وكراسك

غرستك في رياض الصدق لكن ما حصدت ايدين
وانا اللي ما هدم سوري سوى رمحك وحراسك

تسامى بالرضى وافرد جناحك للتقى والدين
وقُدّ آخر قميص الشك فيّ.. وْ .. دق باجراسك

وآمن بي غلا .. والا رجا .. وان كاننا حيين
تشوف الطهر بعيون الغرام وشوقي الناسك


عاتقه

..