اقتباس:
المشاركة الأصلية كتبت بواسطة ناصر بن حسين
* رائِحة الفّقدْ .. نَتِنه / إغلقوا أنوفكمْ !
عبث والليل ينسج من تباريح السهر /.. تعبير !
............ وانا ماكني الا سطر فاضي /..... وإنته القرطاس !
خذاني طيفك البارح /... على ( حلمٍ بلا تفسير )
............ بقت بعض السوالف والعيون بحضنها /.... جلاّس
أحبك تعني إنت اللي مبروزني بلا /..... تصوير
............ أحبك /..... تعني إن الحب شوك وصدّك الغرّاس !
تجي نلبس غيوم ونفتّرش أحلامنا /...... ونطير
............ نطش إفراقنا خلف الشفق /.... ونداعب النسناس
لك الله من رحلت وكل شي فيني صحى /... بكيّر
............ دخليك طف بُعدك /.... وجه شوقي مالفاه إنعاس
وحيد /..... إتهزني ريح إنتظاري وأنثنى التفكير
............ قبل لاينكسر غصن المشاعر إنكسر بي /... ناس
أصحّي ضيقتي وألبس ملامح صدمتي /.. وآسير
............ على قاع الشقا /..... تلفحني العبره وانا حساس
ترفرف /.. عالي إمتوني ملامه والضلوع إتحير !
............ يوسوس لي عن ايامي بدونك /... بالحشا خنّاس
يبلل ذابل أطرافي سكون وحيره /....... وتأثير !
............ وأدور في شفاهي /. عن شفاه اليا حكت نبراس
متى كان الفرح يضوي دجى ليلي ( وحظي زير !
............تعثر من على صهوة جواده / وإنكسر به ساس )
خذتك اللامبالاةُ وسهرت إجمع لك /...... التبرير
............ سرى وقتي /... وانا في داخلي حيره بليا راس
تعبت آستنشق ايامي بدونك /..... وأمتلي تخدير
............آحسب /.... إليا تخدر كل مافيني يطيب الباس !
وانا كم قلت لك صدري حديقه وإختلاجي / بير !
............ نويت أزرع بها حلمي ولكن شف نبت لي فاس !
نثرت لشوفتك حفنة أماني وازهرت /..... نوّير
............تصدق /..... ماهقيت اللي نثرته بالجفا ينداس !
خنقني كف حزني وأرتفع صمتي امام /.... الغير
............ وسال إمن العيون /. أسراب جرح وآه ماتنقاس
صحيح إني أجوعك بس طبعي أكره /.... التبذير
............ تعال /.. وهات لي كاسة حنين وكسرتين انفاس
عشاني أوقد شموع التلاقي وإخمد /... التأخير
............ حزينه ساعتي /.. نامت على كوع الرجا والياس
انا فرصه /.. على درب العنا ضاعت من التقصير
............ وانا جملة حزن فاحت مآسي وإختنق /.. كرّاس
خذاني : عاشقٍ يقرع شعوره /..... للوفا سِكّير !
............ رماني شاعرٍ/.. خالط حروفه ثلج وسط الكاس
يطيح الشوف من محجر عيونه مالقى له /.. طير
............ تسلق به شحوب /.. ومد كفّه يقطف الـ لاباس
وش اقسى من يضم الخوف يدّه والحروف إتغير !
............ تشوفه يعجن اوهامه طفل /.. لعبوبته وسواس
أبد ماهو خطاه إنه دفن ضيمه /....... وقال بخير
............ خطاه إنه /. رضى يسقيك حِبه والعروق إيباس
التوقيع : نٌونٌ !
|
إقتباس كُلي ياناصر ..،
ثق اننا نشتاق لما تكتبه ونبحث عن قصائدك ان أطلت علينا بهكذا شهد ..!
استاذي ../
أبد ماهو خطاه إنه دفن ضيمه /....... وقال بخير
............ خطاه إنه /. رضى يسقيك حِبه والعروق إيباس
هنا كتبت مالا يُكتب وقلت مالايُقال و وصفت شي نود دائماً ان نقوله ونعجز ان نقوله بطريقتك هذه ..!
جعلتنا ننسى تناسق الكلمات وترتيب الحروف ..!!
اعذرني يا أخي .. أجد في متصفحك مالا اجده في غيرهـ فـنكهتك مميزه ومميزه جداَ .. تجذبًني من البعـيـد ..!
سأكون هنا كلما احتجت الى الغرق ..!
تقبل مروري وعذرا إن اثقلت بالكلامـ ..!
لوعة الشوق
آخر المشاركات
11-17-2008, 07:30 PM
العرض الشجري