[ ردودكم ورودكم ] :

[سعيد الموسى]

المشاركة الأصلية كتبت بواسطة مسفر الدوسري

للكلام اللي بقول بعض صوت
وبعض أصابع
وبعض نور إنساب من باب المواجع
للكلام اللي بقول
ألف شارع
يوصله بالتيه
لو كله مرابع!
:
:
الفضا أكبر من البارح طريق
والشعر أعطر من البارح رحيق
..
صار عندي اليوم.. صديق..
من جذور القلب طالع
كنت أطالع
لين ما جف النظر
لين أكلت الطين..أو...لا
أكلني الطين
حتى الطين جايع!
كنت أطالع..
لين شرب عيني العَماش
كيف طلعت..
من ورا هذا الغَباش؟!
....
.....
مامر على قلبي فراش
قبلك
ولا..
كان الشجر
يحضن إعشاش
ولا اذكر إن عليه عاش
صوت ساجع!!!
من بياض الصبح جيت
حنّيت الظلام
بالسلام
وقلب ناصع
كنّك إلاّ ..
من وريد الشمس نابع!
كل ما قلت إسمك يصير
الكلام اللي وراه..
بعض صوت
وبعض أصابع!
وبس ..ما أقدر أتابع...



كم أحبك أيها الــــ خالد،

من موضوع / كائن ضي مهدد بالبياض / لــ الرائع / خالد الحربي


متصفح لابد لي من دخوله كل يوم ,


مسفر / هي جملة قالها خالد , اقولها لك

كم أفدتنا وأفدت الشعر وكم نحن يامعشر تلاميذك نشكرك , لانك ذو سريرةٍ بيضاء من نور


هذا الرد الذي اقتبسته , تمنيت أنه كتب في شخصي كم إغبطك ياخالد