ماني بخير

[هواجيس سارة]

ربما تكون هذه القصيده من قصائدي القديمه

ولكن الأكيد بأنها تعبر عن ما يلج في داخل اعماقي الآن

فإليه أهدي قصيدتي

(مانـــــي بخيــــــر)
[POEM="font="Times New Roman,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ياناشد ٍ عني ترى ماني بخير= من صرخةٍ بالعمر عالي صداها

أونس بقلبي مثل دق المسامير= من واهج ٍ بالقلب حالي براها

همٍ يكسر داخل الروح تكسير= همٍ جرح قلبي وكبدي كواها

همٍ خذا عقلي بكثر التفاكير=والروح من همي صعيب ٍ دواها

بالبال أصور فرحة العمر تصوير= واثر الخيال اللي بعقلي بناها

اثر السعاده والفرح طعمهم غير =عندي تساوى مرها مع حلاها

ماجابني صوبك ياكود المقادير = أرجوك نفسي لا تخيّب رجاها

مودتك صارت لقلبي محاسير= إرفق بحال ٍ منْكِ قرب عزاها

ماخفت من يومٍ تدور التداوير= تشهد جروح ٍ منْكِ تاخذ جزاها

قبلك ترى مادامت لسالم الزير= دنيا دنيه صعب تلحق مداها

يالله يامعبود والي المقادير= ياعالم ٍ سر العباد وخفاها

إنك تحقق مطلبي دون تأخير = وتلطف بروح ٍ ماتحقق مناها

روح ٍ شكت ظيم الليالي المعاسير = سود الليالي عالم الله خفاها[/POEM]

اختكم
هواجيس سارة