يا الله مسى خير يا الله .!
جيت اصيح من العذاب اشكي على ماريه
والله اعلم بالمزاج وحالتي واحوالي
جيتها بين الرياض وريحة الشرقيه
الهوى يطرق علينا والنجوم تلالي
يوم جيت ونارها تشعم ولا هي حيه
في عملها تعقد حبال وتحل حبالي
قلت انا جيتك ولا ادري وش مصير الجيه
التعب فاق التحمل وانظري في حالي
قالت بصوت بحوح ونظرة مطفيه
انت وش جابك هنا منجوم ولا جالي
قلت لا والله لا هذي ولا هذيه
ضايق صدري وادور من يهدي بالي
قالت علومك تراها عندنا مرويه
من قبل تولد ونجمك في سمانا عالي
والنبا جانا من ملوك ماهي بشويه
الملوك الي صداها فالزمان الخالي
يوم الالواح معروضة والكتب مقريه
والنديب اليا تصيد مايهاب الصالي
قلت يا ماريه القلب انتهى عن غيه
تاب لكن السنين تذكره بالغالي
انطوى حالي وانا مابين فصد وكيه
جارت حمول الدهر لين ابركن جمالي
قالت الريحان عشقك وانت ماه وريه
وكل منكم في هوى الثاني مريح وسالي
هو قنع بالي حصل ولا انت مالك نيه
تبني احلامك على ساس من الامالي
ارس يفداك الغرام وحب كل بنيه
لا تون ولا تقول اواه يا عزالي
آخر المشاركات
05-26-2010, 07:21 PM
العرض الشجري