الليل بارد ؟

[فيصل الحلبوص]

خدك : زجاج وتنعكس فيه أضواء
...............................الضوء هذا مغرمً في زجاجك
ما كنك إلا لـ الإضاءات ميناء
...............................قوس وقزح ما كنه إلا حجاجك
وش كثر تعني لي من أشياء وأشياء
............................... أصبحت أحس بدنيتي بـ إنبلاجك
يا عطر يا غيمه ويا رقة الـ ماء
............................... تتمايل الورده معك بأعوجاجك
وأنا الغريب اللي رفض كل الأسماء
............................... اللي بنا لك بالمحبه سياجك
تقليدي الفطره حداثيّ الأجواء
............................... أكتب بما يرضي مزاجي ومزاجك
ودي أبوح وتسمع البوح جهراء
...............................وش كثر محتاجك أنا / وأحتياجك
أحاول أمرض وأجعلك أنتِ الداء
............................... وأقول محتاجك وهاتي علاجك
الليل باررررد ينقص الليل [ إغراء ]
............................... فلي الزراير إعلني إحتجاجك !
قيسك بكون وكوني لقيس( ليلاء )
............................... دامي الفتيل اللي أشتعل في سراجك !




.




.



.