(+.. ألا لـيـتـك ولـد عـمـي ..+)!!

[لوعة الشوق]

السـلام عليكم ورحمة الله وبركاته

+.. صباحكم أجمل مما تُريدون .. +

قصيدة من الارشيف القريب أتمنى أن تنال اعجابكم كـ أخواتها ..!

هذه القصيده نالت على المركز الثاني- تقريبا- من قصائدي بكثرة السرقة ..!!! *

.

.

.

.

أبي أنسى/ أبي أسلى/ أبي أرتاح من همّي
أبي أغفى دقيقه يوم دون آفز محتاجه

.
.

أبي أبكي / أبي أشكي / أبي أنزفه من دمّي
أبي أطرد ورى خيله / إلين آحدّ مخراجه

.
.

هنا ماتت أمانينا / هنا أشـتـاق وأهتمّي
هنا أبغى زمـان يعود تبحر فيني أمواجه

.
.

هنا مصافح يمين اللي يمد وداااع من يمّي
ترك عطرٍ وسط كفي / وجرحٍ يصعب علاجه

.
.

تعبت ولاسلم قلبي / من التهشيم والذمّي
يقولون الغلا زااايد / ولا يقضي بك الحاجه

.
.

إلا من طحت من عيني يضمّك قلب ويسمّي
وإلا مني نويت أنسى أشوفك تشعل سراجه

.
.

حبيبي تدري وش معنى (ألا ليتك ولد عمّي.!!)
بتعني إنّ نفس الدم يدْخلنا بمنهاجه

.
.

بتعني إنّك أقرب لي من عروقي على دمّي
وقليل الحظ يسعفني أشوف النور وأبراجه

.
.

أبعثرني وسط حلمي بدمع الشوق وآزمّي
ملامح قلبي من دونك ؛ مَلِكْ يطلع بلا تاجه

.
.

سماي وأرضي ونوري / وهوا إيلامسه فـمّي
ياكيف أنساكـ وأشواقي تجي للقلب وهاجه ..!؟

.
.

,.,

.
.

لكم كل الاحترام
لوعة الشوق

١٥/٨/١٤٢٨