نخب ...... أول ...؟؟؟

[مشعل الوسّامي]

نخب أول ..... تحياتي ..
نخب ثاني ..لأحزاني ..
هدايا العيد لك دمعي .. وذكرى صوتك بسمعي ..
هجيرك أتعب الأنفاس .. وبرد الليل والإحساس ..
بكاني ..
في نهاياتي ...
تعال .... وجرب الغربة ...
ياغربة حيل هدتني ...
خذت كلي وخلتني ..
أحايل نفسي ...
وأسألها .. أبي أعرف وش الغربة ..؟؟؟؟
واسمع صوت يندهلي ...
ترى الغربة ..؟؟؟
مهو تسافر عن الأوطان ..
أو تهاجر عن الخلان ...
ترى الغربة ...
شعور بداخلك ..... حسه ....
وجي أبكي مع الأطلال ...
بقايا حزن وتبعثر ...
يحاول يعبث بفكري ...
يقول ان السهر متعب ...
يذكرني بجروح الأمس ..
وينبت بالحنايا همس ..
يبي ينزف وفا واخلاص ..
ويزرع حلم ... يتكسر ...
على جال العمر ..
أبكي ..
أنا ... والليل ... والغربة ..


نخب أول ..... تحياتي ..
نخب ثاني .... لك أحزاني
ويصرخ داخلي شعري...
تعال وجرب الغربة ...
مابين القلب والتفكير..؟؟؟
تشوف انك قزم وصغير ...!!!!
تدور عن وطن بانسان ...
قضى عمره مع الأحزان ..
يحاول يوصل ولكن ....
حداه الشوك ...
عن الأزهار ...
يشوف ان السراب أقرب ..
من التفكير للفكرة ...



نخب أول ..... تحياتي ..
نخب ثاني ..لأحزاني....
حروفي والوعد بكرة ..
أشوفك بأول السهرة..
نسامر بالمسا أنغام ..
ونخرج عن نطاق الناس ...
نمارس بالفضا احساس ..
ونزرع بالورق أنفاس ..
نهيم ونحرق الداخل ..
وسافر من بداياتي .... الى أوطان تنطرني ..
وتشبه كل حكاياتي ...
نخب عمري الى الأخر ...
نخب عمري الى الأخر ...