شتات.

[حسام المجلاد]

شْويّه اشتقت؛وابغى ناظري يرتويك
وشويّه ارتحت؛ منْك ومن انانيّتك

ماكْرهك؛ لكنّ قلبي شام عن راحتيك
ماعْشقك؛ لكن لياغبت أشتهي جيتك

هذا الشعور المشتت من فعايل يديك
يوم التصنّع سرا سمّه .. بعفويتك

اول تجي كلّ مانار الهَوى تصْطليك
وليا تضايقت جيت اطمع بحنيّتك

ما إعتدل قلبي إلا يوم ميّل عليك
ياللي جروحك ليا من جيت ماريتك

مادامني ميّت من جروحك ومهتويك
شف لي بداخلك قبر وضمّ به ميتك

وإحْث التراب بيدينك والحزن يعتريك
واكتب على شاهده؛ بالدمع مرثيتك

احتاج لك كلّ ماحزني طغى وابتغيك
وأدركْ مع الوقت لامن شان؛ اهميتك

لكن؛ بغيتك تجيني والنّدم مرتديك
لو جيت ندمان مرّه؛ تُغتفر .. سيتك

"حاولت فهمك ولكن والله إحترت فيك
وْمادام لله سرّك؛ لي .. علانيتك

ماودي إن دعوة السوّ بالخفا تقتفيك
الله يعْطيك يالغامض على... نيتك "