نَافِذه !

[سعيد الموسى]

كِل شيّ ..
يطوف صدري !
تجهله !
هو يمّر بكل
عرقٍ [ يبتره ]
شيّ من أشياء
وأشيا .. مُنهكه !
جاي : تعتب !
جاي تغضب !
جاي من أقصى الزمن - تركض
وتنصَب !
صبّ علقم ، صبّ مؤذي
تنتشر مابين أجفاني
لضلعي !
لاتبللني - بجروحك !
لاتمررني لـ جوفك !
داخلي مثلك
[ يشوفه ] ؟
قِم .. توّض
وصلّ لجله !
والله..
الله .. لوتخافه
داخلي حيل
مترمد !
احترقت
وصرت [ أثمد ]
واكتحلت بهالرماد ..
ليييييييييييييين مدري كيف
اشوفك !
مااشوفك .. هالسواد
اللي ملاني .. هو بلاني
ماهو جوفك !
لو تمّر لثلث صدري !
كان غادرك
الكلام !
لين ينساك المنام !
لين كل الأرض هذي
تكتسي لون الظلام !
أنت - هذا - ذيك
ذاك !
وش تقولوا ؟
وش تحسوا ؟
لو تحسّوا !
يابشر ماهم بشر !
كنت أوزّع هالعطر !
كنت أجمل من عَبَر !
في مواطن هالشعر !
مثلي ماهو
بسّ شاعر !
كنت أصنع
هالدفاتر !
كنت سيّد هالمنابر !
كنت اوضّي كل شعري
لين تخشاه الحناجر !
لكن الأشياء ..
تُنسى
من يمر الأنس
فوضى !
من يميل بطرف
عين !
تطعنه أقرب يَدين !
لاتعاتب ..
لاتعاتب ..
غادر أشيائي .. تثائب !
نام مثل أيّة منام
أعتبرني حلم ..
عابر !
مثل ماانته .. تعتبرني !
شخص .. شاعر !
بسّ شاعر !
منهو فهمّك العباره ؟
أنت تفهم بالمشاعر ؟
أنت حتى أنس .. ؟
كائن ؟
أنت ميّت
ماانت حيّ !
بس تلبس
ثوب حيّ !
أنت لايمكن تكون
إلا شيطان الحصون !
ويعني هو تعرف ..
تصون ؟
أنت بس تعرف :
تخون !
لاتمون - ولاتكون !
ماأبي حتّى
تكون !
أخدم اهل الأرض
.. موت !
رُبما تفهم .. وتدرك !
ليه ..
نختار السكوت !