الى صدِيقي الأديب
عياد مخلف .. ( ابن الراعي )
:
ياشاعر الفكر قلي منْه الراعي
أصيــل والا غيّرتْــه المدينة
:
نسى هجير الموت وسط المراعي
نسى التعب والبرد شقّقْ يدينه
:
رجليه تدمي .. غير لدغ الأفاعي
والحلق ناشف ..واذبحتْ الغبينة
:
نسى الرّغَثْ ياصار هجّتْ جماعي
يقوم يلحقها ..ولا حدٍ(ن) يعينه
:
نسى العطش والويل لو كان جاعي
يبغى فتاة الخبز .. بالخِرْج ..وينه
:
ذيك الحياة مع موتنا في نزاعي
ماكنا ندري كيف كانت حزينه
:
هذي (دعابة )قالها شخص واعي
علاقته في كل شعرك متينه
:
ياشاعر الإعجاب سر اندفاعي
قلت أَبَـخَربِشْ بس بيني وبينه
:
لك قيمتك بالناس ثِقْل اجتماعي
شاعر علَم ..معروف تسلم يمينه
(زايد) معك ..ماقْدَر على اسمي رباعي
ماقدر أكسّر .. بالقصيد ...وأهينه
؛
شاعر يخيط الغيم فكري متاعي
ويرقّص القمرا ..على رمش عينه
:
:
آخر المشاركات
06-29-2024, 01:27 PM
( ابن الراعي )
العرض المتطور
