مُعْتَكَفْ ..

[نوف الناصر]

•

‏

تعال وذوّب الليل فْـ بقايا رمشي الأكحل
بـ اذوّب لك صباحات الشّعر في قهوة سنيني

تميّل لي عناقيد الأمان بْصدري الممحل
وانا ما همني غصنه .. يدينك عنْه تكفيني

أناديلك تعال اسمع ( طلال ) يغني : "وترحل "
و ترحل ..تترك الدنيا على فقدك تعزّيني

اثاري ما مضى كذبة كبيرة والمفارق حل
كأن النور يتواطا مع الظلمة .. وينفيني

وافوق وأدرك ان الواقع غْيابك .. واثاري حلـ
مِنا أجمل .. وان الشعر متنفس يواسيني
‏
‏
‏