مُـذَاكِــراتْ 24 سبتمبر ...

[تهاني سلطان]

.

وهذهِ الإجازة و صلت .. و خلاص بدينا نضبط وضعنا لِـ استقبالها صح .. هاليومين اللي طافت حاولت أجيب كل الأشياء اللي ناقصتني عشان أبدأ أجهز شنطة السفر .. بترك الرياض لِـ مدة ثلاث شهور .. راح أشتاق لها كثير كثير .. و أهي تعرف أن هالشوق بكل سنة يكون متواجد بداخلي .. بس أضطر أتركها عشان رغبة هليّ ..

بهاليومين .. و أنا أشتري فيهم .. و أحاول أتأكد أن كل شيء أوكي .. و أن مافيه شيء ناقص .. إلاّ و أرد البيت و ألقى ناسيه شيء أو شيئين .. مشكلتي ماعرف أمسك ورقة و قلم و أكتب الأشياء الناقصة .. ما أعرف أفتح المذكرات اللي بالجوال و أكتب فيهم شغلاتي الضرورية .. حاولت أعدل من سلوكيّ "المميت " و للأسف مافيه فايدة ..

المشكلة على كثير الأسواق اللي بالرياض و فروع المحلات اللي فيها إلاّ أن يطلع الواحد بشوز و مايلقى عليها باق .. أو يطلع بِـ ببلوز و مايلقى عليها اكسسوار .. أكرهـ هالأيام بجد .. لأني من النوع اللي أقعد أليّن المناسبات أو زي هالأوقات فترة صيف أو شيء و أبدأ أشتري أغراضي مره وحده تقعد معي مثلاً ثلاث شهور أو أربعه و أبدأ استبدلها .. من الثلاثاء اللي طاف لقيت شوز أصفر قلت يالله باخذهـ على أنو ماأذكر فيه شيء يجي عليه .. بس عاد قلت بنبش بِـ أغراضي و ألقى .. بقى له باق يالله و أقعد ألف صحارى كله أختفى اللون الأصفر .. ماعاد فيه هاللون .. ولا من قبل يوم كنت أروح بس أتمشى .. ألقاهم بكل زاوية .. و يوم صرت أبيهم ماعاد ألقاهم .. مو قلت أكره السوق .. المهم أنا رحت الخميس لِـ غرناطة .. أنا ماأحب أشتري منه .. لا "أحبذه " كثير .. ما أدري أحس أماكنه صح فروع بس مو زي باقي الفروع مادري مالنا شغل .. المهم و أدش مع ماما مكان و أنا ناسيه سالفة هالشوز الأصفر .. و ألقى باق صغنونة تجنن لونها نفس لون الشوز .. قمت بوسط السوق أقول يالله يالله من الفرحه : ) .. يعني بجد لو نسينا أمر شيء نبيه بِـ "إلحاح " نلقاه ..


عموماً أنا مالي شغل ..

شنطتي باكر راح أرتبها .. وبحاول أمسك ورقة وقلم لو تنسى لي روحه ثانية .. و أكمل النواقص المعتادة .. عمّ أفكر بسالفة العيد و لبسة العيد لأن المنطقة اللي بروح لها بعيدة شوي عن المحلات و الأغراض .. بس مادري كيف الجو راح يكون فيها لأنه متقلب .. عسى الله يسهل هالروحة و يكتب فيها الخير .. و عسى نستانس بهالصيف و هالعيد .. مادري أحسه راح يكون جو آخر .. فيه بنات خالتي و كذا .. يعني شلة بنات و روحات و سهرات .. أخواتي بعد راح يحتمعون .. أخوي الكندي : ) راح يجي بعد للعيد .. يعني : ) .. دعواتكم يارب ..




السبت 04 07 2009 م

.