على هامش عمق أنثى جموح

[أنثى جموح]

طفل ،
وش تعني لك الكلمه؟
طفل ,
وش تعني لك الدمعه؟
طفل ,
وش تعني لك أحلام الصبا لما تصير أكبر؟

تصدّق يا طفل إني
أحس إني بعد طفله ؟
تصدّق لو أقول ان الزمن ما كبّر اضلوعي
إلين الحين أنا طفله , وفي صدري بعد طفله

بس ؛

ما عدت أنام الليل
واصحى أبي اللعبه

ماعدت أنا ألعب
في غير خصلاتي

ما عدت أنا ألهث
يوم أركض بـْـ ساحه

ما عدت ألوّن يدّ
واوراقي من حولي

ما عدت أنادي بْـ صوت
والكل يفزعلي

ما عدت أنزّل دمع
والقى من يداري

ما عدت أقول التاء
في كاف كلماتي

ما عدت أعد أرقام
من واحد لـ خمسه

ما عدت أحب فستان
وأطلبه في كل يوم

ما عدت أنا آنا
بس باقيه (طفله)