آآآنا أنا ... لـ : أنثى جموح

[أنثى جموح]

فيني دمع :
يخنق عباراتي , وأنا ...

وآنا أنا ...
بس الفرق :
إني بعد غيبة رموش اللي كسا عيني بها ماني أنا ...

أو :
ماني على خبر الذي شبّ بْـ ضلوعي ناااار واكواني سنا ...

ثُمْ :
في جوانب ظلي المكسور تلقى له بقايا وانتظار ...
وْحاضره : الحين صار , كنه عيون اتناظره , بس ما تشوف ...
متناثره : أحوال ضلعي والغشاء اللي سكن فيني على إسمه طفى ...
والدمع خوف !

آآآه ...
ما تكفي حروف ...!

لو كنت أعدّد له دقايق وحشتي بْدونه بقول إنه تملّل
بس وربي , شي دونه , حال دون إني أقول ...

لو كنت أَبَشِّرْه بْلِقَانا , وانكشف صبح الغياب اللي يطُوْل ...
كانِ ما بَشْرَهْ على عرقه ولا بشكي ألم فيني تشكّل , ما تمهّل ...!

اسألوه إن كنت أوارب بالحكي لما أشوفه؟
واسألوه إن كنت أجاوب بالنفي لما أعوفه؟
لا وربي ..
كيف أنا ممكن أعوفه؟!!
أو:
كيف أهو يسأل جروحي؟!!

والوجع :
إنا أبد ما نلتقي
وإني ولا أقدر أشوفه ...!!

دمع في جفني يحاول يمسك لْجامه ولا يبغي يطيح
غصةٍ تلزم حناجر أنّتي , مابي أصيح ...

آنا من دونه أنا ...
بس الفرق :
إني بعد غيبة رموش اللي كسا عيني بها ماني أنا ...!

 

[شاهَه]

غصّة ٍ تلزم حناجر انّتي : مآبي أصيح ،
مُنسكبه بـ ألم .. ومُتماسكه بـ ضعف .. ومُسترسَله بعذوبه يا أنثى جموح

 

[بدرالموسى]

القراءة لكِ متعه أخرى

جميله حرف كما عهدتك

 

[عبدالله العويمر]

أنثى جموح
لإحْسَاسُك أبْعَادُه ُ المُضِيئَة

حَرْفُك ِ قَرِيْب ٌ مِن الرّوح
دُمت ِ

 

[حسام المؤيد]

جميـلة تلك الأنا حينما تصرخينه أنا
فلترتفع عالية
دمتي كما تحبينها

 

[عبدالعزيز العميري]

إنثى جموح

شكرا لهذا الانسكاب

كان للدمع والغصة حكاية شاعرية هنا

سوف تشرق الشمس غدا من جديد
وسوف تعود اغاني الربيع

غابات من ورد لقلبك

 

[أكرم التلاوي]

أنثى الجموح

تهطلين كأغنية من حس فيروز
عذب هذا النزف جداً

مساءك رضى

 

[محمد الناصر الشهري]

الأخت الكريمة / أنثى جموح ..
جميل والله ما قرأت ..!
تفعيلة راقت لي جداً وكثيراً ..

أرقٌ تحيّة

.
.

محمد