مساحة لقتل الشعر (2)

[نواف التركي]

[poem=font="simplified arabic,5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
كلّ ممكن زهدته في رجا المستحيل = قلت آباطول نجمة ما حدٍ طالها

يقنع القلّ من عزمه بروحه قليل = الحرار إتضايق من ردى حالها

لا تململ ترا بال المفارٍق طويل = والليالي عجافٍ يا وسع بالها

علّمتني على طول المدى والرحيل = أضحك إنّ شالت الأحزان موّالها

حسبي الله على وقتي ونعم الوكيل = ظلّ يستدرج الأحلام وأغتالها

مابقى تمر لو هزيّت عذق النخيل = إقطفتها السنين وماتت آمالها

ملّت العيس حاديها يحطّ و يشيل = ودّها تستريح وترمي أثقالها

وجد حالي وأنا حالي بليّا نحيل = وجد من محتمي له كلمةٍ قالها

يومّ دنّ الشمال وهبّت الريح هيل = لين روحي بغت تقضي على جالها

إيييه ياللي مثل قلب الزمان البخيل = جادك الدمع وعيوني وغربالها

غصنك اللي مع أنفاس الحكاوي يميل = ماترك عدله إلاّ ميّل أحمالها

شاعرك مؤمن إنّ الوصل ماله سبيل = لكنّ الروح ماهو راضي إذلالها

كان في حاله وفاله وطبعه ثقيل = لكن الناس تكذب ماهي بفالها

كان ممكن أكون وكنت مالي مثيل = تشبه الناس بعض وواجد أمثالها

لو لصوتي مع العالم شبيه وبديل = كان خلّيت الأنفس تلبس أسمالها
[/poem]

 

[نواف التركي]

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

خليل كلّ القلوب الصادقة غابت = ماعاد أحسّ لحديث أشواقنا قيمة
الحين نرمي ظنونِِ كل ما خابت = رحنا نعلّق ضمانا في رجى غيمة
أعمارنا مورقة وأرواحنا شابت = والشعر ماعاد تغرينا تقاسيمه
نقول طابت وهي والله ماطابت = ولا كلّ كبوة من الدنيا بتعليمه
[/poem]

 

[نواف التركي]

[poem=font=",5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
صرت أحسّك بعيدة قلب ومفارقه = وإن صدق ظنّي إنّك للجفى للجفى
أعرف الدرب هذا مبطي وطارقه = مير خانتني الخطوة وخان الوفى
غيم فرقاك يلمع بالسما بارقه = يوجع البرد وأنتي ما بحضنك دفى

[/poem]

 

[نواف التركي]

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
أفتح قفص قلبك , تغادرك الأسراب = وأحفر للأيام القديمة مقابر
خلّ أمس يسري لا تعلّق بمن غاب = جرحك قديمٍ ما يطببّه عابر
واللي ورى الأهداب خلّه بالأهداب = لك عمر صابر كمّل العمر صابر
ما تاقف الدنيا على فقد الأحباب = تلقى لكسرك بالمقابيل جابر
إن طاب ولاّ كذّب وقول لي طاب = أستر على جرحك دخيلك وكابر
أمّا تكون الحلم بعيون الأغراب = ولاّ تغيب وتفتقدك المنابر
خابرك قاوي لا ضحك للجفى ناب = وأبيك تبقى مثل ما كنت خابر
[/poem]

 

[نواف التركي]

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ثبت يوم الصحيح وغبت ما بارت = بضاعتك يوم صار الموت ما عنّه

لا نامت عيون من يجبن إليا دارت = رحى الرصاص وتبدّت ريحة الجنّة

أخترت ذروة سنام المجد وأختارت= نفسك تموت بكرامتها على السنّة
[/poem]

 

[نواف التركي]

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
كنّ الكلام بدفتر الصمت مكتوب = لا قادر أطوفه ولا قادر أقراه
وأنا على بوابة الحلم مصلوب = عبرة لمن غيب المقابيل ينساه
مرّتبي قلوب وتعدّتني قلوب = وأنا أنا محطّة الدمع والـ / آه
غديت كنّي مفرق دورب لدروب = تمرّه ركاب القلوب وتعدّاه
[/poem]

.
.

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البارحة كان صوتك للرحيل أقرب = صمتك يقول إنّ قلبك للجفى راهي
نبرتْك مرتابةٍ تبحث عن المهرب = وأعذارك أبطت تدوّر عذرها الواهي
ماني بضامي ولا أنت العدّ والمشرب = أنا أكثر اللي يغيب وتحضر أشباهي
البعد ماهو غريب القرب مستغرب = ياضحكةٍ ما كتبها الله على شفاهي
[/poem]

.
.

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ما يوجع الفقد لكن توجع الذكريات = غيابك يهون لكن صحبتك ما تهون
كنت أجمل وكان للدنيا طعم والحياة = بتكون لا كنت وإلاّ في غيابك تكون
تبقى حديث الشجن والليل والأغنيات = وأبقى على خبرك اللي نصّ عقله جنون
[/poem]

.
.

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارح إشتاق صوتي يستثير المدى = والليل ستر القلوب إليا طرقك الشدو
أخترت عن زحمة الدنيا مردّ الصدى = والأدمي بين وقت ووقت يبغى الهدو
يا مفرق الياس ياللي كم بدربك غدى = قلبٍ وكم روح مرّت بك مراح وغدو
مرّيت بك بين طعم الهجينة والحدا = ألبس من الصبر سملٍ ورثّوه البدو
مرّيت عايف ولا لي بالخلايق جِدا = لا قلب صاحب ولا طعنة كفوف العدو
ماغير صوتي خويٍ يستثير المدى =قال : أطرق الليل ؟ قلت : وخلّ ليلك شدو
[/poem]

 

[نواف التركي]

[poem=font=",5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياقربي البارحة واليوم يا بعدي = ومع كلّ خطوة بكون الحاضر الغايب
الوقت فرصة وعمر الأدمي يعدي = وأنا تعدّيت وقت الراغب الهايب
جفن اللقى رفّ لكن ما صدق وعدي = والظنّ مرّات مايصدق وهو صايب
رح دوّر اللي يجوز لخاطرك بعدي = أنا إذا أقفيت أقفّي خاطري طايب
[/poem]