[ حديث أغراب ]

[صالح الشملاني]

المشاركة الأصلية كتبت بواسطة عطاالله ممدوح

.

[ حديث أغراب ]
.
.


[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

الليله المنفى جناح غراب=والحزن يسرجني على خيوله

الضيقه احيانا بدون اسباب=تاخذ بصدري صوله وجوله

طال السفر يا سكة الغياب=ماعادت الأرياق مبلوله

ليل الشتا قاسي وصبري ذاب=كن الثواني فيه مشلوله

سمّرت نظراتي بثـقب الباب=يمكن يلوح الحلم وآطوله

يشق نوره في ظلامي ناب=وابني بصدري للأمل دوله

بعض الهقاوي مالها محراب=حلوه ولكن غير مقبوله

العذر لو يشفع لمن هو غاب=نوافذ الشرهات مقفوله

ياصاحبي صوتك (حديث اغراب)=ياقـصر همساته ويا طوله

مبحوح لكن يسرق الألباب=بإحساسه الصادق ومدلوله

طيّر من أغصان القصيد أسراب =لو كانت الاحلام مقتوله

وانسج من خيوط السحاب ثياب=يشبهك هتانه وهملوله

مادام عزمك باقي ٍ ماشاب=الغرس مايخذلك محصوله

بس انت كافح وافعل الأسباب=يجيك يوم وتربح الجوله

يعني لاتحزن والحياه كتاب=لابد ما تتعاقب فصوله..!!

[/poem]



.

.
عطاالله ممدوح.

.

الكثير من النصوص لـ هذا الشاعر .. اطالب بي اضافتها الى المناهج الدراسيه
لكي يتعلم الأجيال كيف يورد الشعر الحقيقي والحزن النبيل
وجنون الفكر وعمق الوعي !

عطالله كتبتني قتلتني يـ شاعري

أقضب حتى اعود وصحت انفاسك !

كـن الثوانـي فيـه مشلـولـه
مجرم !!

 

[عطاالله ممدوح]

المشاركة الأصلية كتبت بواسطة صالح الشملاني

الكثير من النصوص لـ هذا الشاعر .. اطالب بي اضافتها الى المناهج الدراسيه
لكي يتعلم الأجيال كيف يورد الشعر الحقيقي والحزن النبيل
وجنون الفكر وعمق الوعي !

عطالله كتبتني قتلتني يـ شاعري

أقضب حتى اعود وصحت انفاسك !

كـن الثوانـي فيـه مشلـولـه
مجرم !!

وأنت قتلتني بهذا الاطراء
ممتن لك هذا الحضور النور يا صالح ,,
سعيد جدآ انها إرتقت الى ذائقتك ,,

لاهنت ياقلب[/center]