:
:
يالمرقد المهجور..
كل المنام اشباح
كل النجوم اوكار
صبي كْحالك يا ضيا عيني
ردّي السما للنور
كني من اول ما تفارقنا .. وانا
اعمى يرتب وجهته للصمّ
للاغنيات البكم!
ما للعصا من درب
ما للجهات عبور
جالس على باب الصبر والناس..
اكتب وصاتي سور!!
يالمبعده..
ما شفتي اش كثري على مرمى السهوم؟
ما شاغلك سيف البكا المثلوم؟!
لو درتي وجهك للقديم..
لـ شويّ من شالك
لـْ مريولك الملهوف
ما كانت الساعه بيدينا وجهتين
ولا قام للفرقا جسور..
ردي عيوني للمخده..
للمنام..
ردي الستاير عن بكي الظلما..
سمعي عليه بّكاي..
واجفاني سجن النور!!
آخر المشاركات
02-27-2012, 06:52 PM
العرض الشجري