كذبت وقلت
أبد ما همني اغيابك
بس الشوق يفضحني
صدقني
أنا ما مت بـ اسبابك
لكني
من هجرك .. سبب غدرك
غرس سكينه بصدري وموتني
أنا لو غبت بـ احيا بك
على الماضي
على الذكرى
وبنسى انك .. سبب حزني
أنا ما جيت .. أتسول على بابك
أنا جيتك أبي قلبي
رده لي .. خلاص ارجوك وريحني
قلبي اللي على كثر الجفا والصد
وليل الحزن
يوم رديت فرح واشواق
هلا بك
كثر ما اجفيت
كثر ما اخطيت
بلحظة وصل عشمني
انا بسألك وجاوبني
وين قلبي؟
علقته
على ارفوف العشق بين زحمة احبابك؟
ولا انك تناسيته
دفنته حرف بـ اكتابك
نزف هجرك حبر بارد
كسر مركب احلامي وفي بحر الهم غرقني
ابيك تعرف ..
اشكثر حنيت بـ اغيابك
اشكثر تانيت
يمر طيفك ..
منافي .. والوطن حزني ..
آخر المشاركات
03-10-2012, 05:32 PM
العرض الشجري