[ فهرس لـ أبعاد ذائقتكم الشعرية ] .. ؟!

[صالح العرجان]

لا تقطع ارحامك ويشملك الوعيد
ولا تخسر الغالي ولا ترخص غلاه

واخوك لا تخسره لو انه عنيد
يخطي مية مـرة وتسمح له خـطاه

وان كان شد الحبل حاول ما تزيد
ارخيـه قـبل الشـد يـوصل منتـهاه

ولا تنصحه وقت الزعل ما يستفيد
واعرض عليه النصح في ساعة رضاه

وليا طلب رايك عطه رايً سديد
وان ما طلبك الراي لا تبحث خفاه

واعرف ترى قرب المنازل ما يفيد
واحيان يبدي شي ما ودك تراه

لكن لا تقرب ولا تنزل بعيد
خلك على قول المثل حذفه عصاه

واحفظ حبال الود حفظك للوريد
اللي معلق فيه موتك والحياه

ترى الاخو مهما حصل يبقى عضيد
وترى عيال العم ما عنهم غناه

الناس دايم ما تهاب اللي وحيد
اللي ليا منه وقف محدً معآه

 

[منتهى القريش]

مثل صمت الشعور
نبور
ونعجن دمنا الصافي
ونزرع
لـ السنابل
نور
ونشتم صيفنا الدافي

تجي
خطواتنا
وتدور
ويبقى دربنا حافي
؛

على ذمّه شريك الدم
يقال ان المفارق زين

ويقال ان الهواجس سم
لذا يستحسن التخمين

وعلى الماضي ولا تندم
ولا حتى على المقفين

تجبّر هـ الزمان اقسم
تفل حتى على السمحين

رقى حتى قرانا هم
وقلّبنا على الوجهين

يصير ابن الحرامي عم
ولا يرضى يبي عمّين

كثير اللي يتذلل لم
ومثل تكفى بنى تكفين

قليل اللي بوجهه دم
كريم اللي يرد الدين

وكأن الشمس تلعنّا
وكأن القاع تطعنّا
وكــ أنّا مابعد كِنّا
رماد الارض و نحاسه
؛
وانا سهران
ما أدري
؛
وكنّ الليل
يجي رغم الظلام حليل
تزمّه دمعتين سهيل
ويرفع لـ القمر كاسه

وانا سهران
ما ادري


أحمد الطرقي

 

[عبدالله عليان]

أنا إنسان مع نفسي قبل لا أكون معك إنسان
ولي مبدأ ولي نظره وتحكمني قناعاتي


أحاسيسي حقيقه ثابته بالوصل والهجران
أنا طبعي اذا حبيت أحب بكل حالاتي


منادي والندا نابع من الوجدان للوجدان
اذا ما ينطق إحساسي حديثي يشبه سكاتي


غموضي في الهوى تصريح سرّه يفضح الكتمان
ونظرات الوله والوجد هي أجمل عباراتي


ولا أجامل باحاسيسي ولا أقبل في الهوى إحسان
ولا للمصلحه يا سيدي دور بعلاقاتي


ولو ألغي شعوري ما بقى لي صاحب وخلان
يرافقني على مر الزمن جرحي ودمعاتي


أحب الصدق وأعمل به **بت أو كنت أنا الخسران
ولو صدقي يخسرني تشرفني خساراتي


رفيق العمر لو تجفا ونبض الحرف والشريان
اذا ما غصت بأعماقي متى تفهم معاناتي


على كثر الخطا غافر ولا أغفر غلطة الخوّان
جزاه الصد والفرقا ولو عاندت رغباتي


ولولا العفو ماخطينا ولا نحيا بلا غفران
خطايانا دليل إنّا بشر ومنّا الخطا ذاتي


على صدر الزمن بكتب شعوري موعد وعنوان
تعرف الشوق لو فتشت عن سر ابتساماتي


واذا كان الهوى نعمه بحطك نعمة الرحمن
واذا كان الهوى غلطه بحطك كل غلطاتي

لــــ اللشاعر : مانع بن جلاب ( بدر الحزين )

 

[عبدالله عليان]

اشتقت لك واشتاق لك واعشقك دوم
واحرص عـلى لقيـاك با يـة طريقه

معلوم احبك يا هوى البـــال معلوم
واعشـق ملامحك الحسان الدقيـقه

في غيبتك ما غــاب طيفك ولا يوم
طيفن رسمنــي بين حــلم وحقيـقه

نقضي ليالينا سهر . شعر . وحلوم
انا وطيفـك . والهجـوس . الطليقه

اي والله افقد شوفتـك واجفي النوم
وابكي على اطلال السنين العتيقه

العين عن وجه القمـر تسأل نجوم
والنفس في بحر الامــاني غريقه

ودام الغـلا ما بيينـا الـبين مقسوم
العهـد بــاقي والـعـــلاقـه وثيـقه

يا قضمة السكر . ياكيـكه . يا حلقوم
يا نفحة الشـانيل . يارقى . رقيقه

يبقى لــثر حبــك علامات ووسوم
في سجة العاشق وسعده وضيقه

صك الغلا في خزنة القلب مختوم
ومدونه باسم الجــروح العميقه*



عبدالله الشغيبي

 

[عبدالله عليان]

يالله يا جال الأمور المهمة
تجلا وهج قلب برا حال راعية

البر دجته والبحر رحت يمه
يقطعك يا حظ على الله مساعيه

يوم أن ولد اللاش رزقه على أمه
رزقي على اللي ميت القشع يحييه

يامل قلب كل ما مات همه
دارت دواليب الدهر لين تحييه

فراق شمل الناس عيا يلمه
وقت يشيب الراس من شايه فيه

أحد ينام وحط راسه بكمه
واحد تخم النوم عينه وتخطيه

واحد يحاول بالردى بنت عمه
واحد يحاول ستر عذراء عوانيه

ماني وأنا بندر ببياع دمه
يقطعك يا بياع دمه ومهفيه

اللي يبيع لابسات الازمه
ثور يبا بيض الرعابيب تغنيه

يزعل ليا جت ليلة الدور يمه
يرضى بسوق المال فخوه وفابيه

خطو البخيل اللي يكبر معمه
يقرأ الكتاب وواجب الله يخليه

أمر هرج لك في رفيقه بنمه
والا عطا وأمه تضيع هقاويه

أنشدك ياللي كل فرض تتمه
تقرا الكتاب وكل فرض تصليه

ويش القليب اللي غميق مجمه
ما فاد غرسه ماه عطشى سوانيه

تخالف الانظار شرق ويمه
وكل هدف رايه من الناس مرضيه

سم السبب يا عارف عنه سمه
سم السبب يا عارفة قبل اسميه

بندر بن سرور

 

[عبدالله عليان]

صباح العز
.. يادرويش !
صباح الطين!
.. حانت الفرقا
نموت!!؟
: طــــز!!
( من يفنــــا
.. يعيش)!!

ياسيدي.. وشلون ماتدري
- انا دروبي زآيله-
بلّـي حصل لي
في ثلاث / إبرايل
حين قالت لي
.. نوال:
إغزل الوحدة..
وطن..!
ترتاح؟!!
: والله إني يانوال
" في كل درب آخايله"

ياسيدي..
لا تزيدني بـُـعد وتجافي
ما بقى بالعمر شي
وانت تدري
إن أنا درويش!!
: وهن دمعاتٍ بعيني
غير دمعاتٍ
ثلاث!؟
وش بقى فيني
لجرحك والزمان
" وديرة إسكافي"!!؟
***
آه ياهذا الحنين
ليلة البارح لحالي
اغـزل الوحدة
وطن..
من زمهرير وطين!!
ومابقى جرحٍ بصدري
ما تدلى عن سماه
وطاح!
وقلت:- لسنيني
.. اللي ضاعت-
كيف انا بأجمع حصاه؟!!
- حين قالت
- عن فلسطين-
الحجارة:
كيف أعيش؟!!-
وكيف انا احبس دمع عيني
في عيوني
لا نغـز بالحـد دمي
واستقام الراس!
- والملا من حولنـا مثل العدم-
لحظة الفرقا
وطاح!!
.. بينهم صوتي
وفجأة..
التفت يمي
وقال:
آه.. ياعمري
دخيلك..
فـز!!
- والمسافة بيننا دمعة وْدم-
حينها..
كيف انا بأحضن مــداة؟!!
كيف انا بأحضن مــداة؟!!

علي ال شيبان

 

[عبدالله عليان]

الأرض بتتكلم عربى وقول الله

ان الفجر لمن صلاه

ماتطولش معاك الآه

الأرض ..الأرض .. الأرض

الأرض بتتكلم عربى

الأرض بتتكلم عربى ومن حطين

رد على قدس فلسطين

أصلك ميه وأصلك طين

الأرض ..الأرض .. الأرض

الأرض بتتكلم عربى

الأرض بتتكلم عربى بوجد وشوق

الفرع اللى يهم لفوق

لأجل الجذر يشم الضوء

الأرض ..الأرض .. الأرض

الأرض بتتكلم عربى

الأرض بتتكلم عربى ولا ترتاح

واصل كالسيل للمجتاح

فتحك ياعبد الفتاح

الأرض ..الأرض .. الأرض

الأرض بتتكلم عربى

الأرض بتتكلم عربى

فؤاد حداد

 

[عبدالله عليان]

سرى هم ولفى هم ونسى يسري
لوى عنق الظلام ونوّخ الخاطر

ندهت الليل قعّدته على حجري
ورضعّته أسى أمس وغثى باكر

تصبّب ياقلم بنت الورق تغري
وانا اللي بي كثير وصفحتي عاقر

تعال انحت على وجه الورق قبري
اواري به ملامح وجهي الطاهر

تجي ساعة اضم من الوله شعري
وساعة العن الأشعار والشاعر

تعبت استر خطاي والبسه عذري
كرهت ارث السنين ولعنة الحاضر

تعرّي يالقصيدة واهتكي ستري
تهادي في صباك وحسنك السافر

ابي لا عانق شفاه البشر ذكري
يلوم اللي يلوم ويسخر الساخر

انا اللي بعت ليدين الزمن عمري
انا المغدور في حلمه وانا الغادر

شربت من الشقا لين امتلى صدري
همومٍ مالها أول ولا آخر

سكتّ ولا نفع صمتي ولا صبري
تعبت ولا عليهن كلهن قادر

اعرف الصبر لا يلهي ولا يبري
واعرف الوقت لا منّه جرح كافر

واعرف ان التعرّي للبشر يزري
ولكنه يريّح صدري الزاخر

ابا اعلنها كذا من ما درى يدري
انا هالحين خاسر . ويش انا خاسر ؟

.
تركي رويّع