محتاج أبث الهم يابيض الأوراق
بي حاجة لين الشعر تكتويني
نفسي أفضفض دامه الصبح مافاق
وأنسج من الظلمة خيوط لحنيني
أسري بشعري للفضاءات وأنساق
خلف السحاب،، أروي وطن يرتويني
وأدمي صفى طرسي وينراق هراق
حبر ٍ يحاكي دمعة وسط عيني
وتفيض/ وإن ساحت تنفست بإشهاق
تنهيدة ٍ تسحب خطايا سنيني
ذا الليل رحب ٍ كل ما هالفضاء ضاق
أرمي بصدره بعض همي //أنيني
أشكي له أوجاعي، يطوقني عناق
وأبصر والأقي النجم في راحتيني
آه يابعد كلي،تبليت الأعماق
أزريت فيني لين ماعاد فيني
قدرة على تمرير لحظات لفراق
في ذاكرة شاعر شكى الهجر حيني
أسرج خياله للمعارج والأفآق
ياسدرة البعد الأخير أحتويني
للبوح روح وبثها ذكر الأشواق
وأزهاقها كضم يكبل يديني
وأنا أمتطيت الشعر واشددته أوثاق
وأطلقت لعنان القصايد حنيني
نفسي ابث الهم يابيض الاوراق
بي الف حاجة للبكاء تكتويني
آخر المشاركات
09-08-2008, 09:23 AM
سدر ومعارج
العرض الشجري