غرام ٍ ذِبَلْ غُصْنَه وِطَارَتْ عَصَافِيْره

[عبدالله سماح المجلاد]

إلى النور قايد الحربي/ خالد الحربي/ سعد مطلق/ وكل أبعادي في موقع النخبه

ياهاجس غلاها بالصدر فضّها سيره
ـــــــــ وَلاَ تَنْبِشْ جْـرَوْحٍ لَهَـا وقت مِنْدَ مْلَه
غرام ٍ ذِبَلْ غُصْنَه وِطَارَتْ عَصَافِيْره
ـــــــــ مَحَاه الـزمان ومَا بِقَتْ مِنْه لـو جُمْلَه
وانا حبيّبي ما سدّ في غيبته غيره
ـــــــــ أخطّه على سطر المقادير وارسـم له
شَرَبْتَه غرام :وحُب :مع شك :مع (غِيْرَه)
ـــــــــ وروحه مَعِيْ ثَمْلَه : وروحي معه ثمله
عَرَفْنـا الـْوَصُل روضٍ تفّتق نواويره
ـــــــــ تمـرّه صبـاحـات الغـرام وتبسّم له
نسا يم : سنا شمس :وبلابل (مساييره)
ـــــــــ وعيون السحاب اللي على الخير مشتمله
قبل مـا يـروّعنـا صباحٍ معاصيره
ـــــــــ تقول احتسب والْعَصْر الاوّل تَـرَحّمْ له
يجـرّ الْفُـرَاقْ اللي غَزَتْنَا طوابيره
ـــــــــ تتا بع جيوش الْظُلْم حَمْلَـه ورى حَمْلـَه
خذاها غنيمة حرب واظلم سما الديره
ــــــــ وسَحَبْهـا علـى دربِ جَـرَحْ سَاقَهْا رَمْله
وانـا مُنذَهِل والجوف شبّت دوافيره
ــــــــ وعنا صر عذابي فـي يـد الوقت مكتمله
بَلَعْت الفراق وشرّ وقتي قِتَلْ خيره
ـــــــ وحَمَلْتَ العـذاب اللي كِـرِه كَـاهِلِي حَمْله
تداعت عظام الجسم من قـوّ تأ ثيره
ـــــــ وانـا في حـزام الصبر قُمْت اتحيزم لـه
لـو العبد يـدري ما تخبّي مقا ديره
ـــــــ فلا كـان سـرّح فـي فجـوج العنا زمله
جرى ما جرى في حكمة الله وتدبيره
ـــــــ قَـرَيْنـا النهايـه وافترق شملـي وشمله
يـاهاجس غلاها كل ماجت لها سيره
ـــــــ تجـدّ الجـروح اللي بوسط الحشا سَمْلّه
وانا لاَ فِضَى كا سي من الهمّ والحيره
ـــــــ أمـدّه واقـول لساقي الضيق خذّ وامْله