لـيـت ..

[عبدالله سعد الحربي]

بسم الله الرحمن الرحيم


كأول بٌـعد لي بأبـعاد ...






ليت الزمان اللي جمعنا على الطيب
------------------------------- يرجع وترجع نايم(ن) بين الاهداب

ليته يعوّد خاطري ماطرا يطيب
-------------------------------ابيه يرجع عمري اللي معكـ غاب

لاجيتني بنسى هموم(ن) مجاديب
--------------------------------- لاجيت ثلج الحب في كاستي ذاب

شفت الضلوع اللي خلقها محاديب
--------------------------------- اللي جعلها حافظات(ن) للالباب

في جيتك تنساب منها الكواريب
-------------------------------- واد الرمه كنه من الصدر منساب

تدري كثر مغليك مابك عذاريب
------------------------------- لو بك من الزلات مايشيّب الشاب

تدري كثر مغليك عديتك اقريب
------------------------------- وباقي البشر لوهم قريبين اغراب

جود بلقانا قبل ما حبك يشيب
------------------------------ مليت انفض من على حبك تراب


.

.

.
.