<< ... أنـا الصـحاري الظـاميه ... >>

[عيون الشوق]

.

.
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أستوقفك لحظه ..!! قبل تغرب بنا شمس المغيب = لملم بقايا شاعره ألهمتها يا شاعري
علمتها شوق الظما لمعانق السيل الرهيب = علمتها شهق الهوى مع حبكم متناثري
لحظة لقى نجلس سوى ونعاتب الوقت المريب = اللي رماني في بلد وأنت فـ بلد ياآسري
أبيك أنا تبقى معي .. تبقى مثل ظلّي قريب = تبقى بـ حياتي نجمها .. نفرح بـ ليلٍ سامري
أرمي لي خيوط الأمل .. سهّل لي الدرب الصعيب = وإلعن أبو جد العذول اللي يجينا ثايري
بالله ... قلّي من معي ..غيرك في هـ الدنيا حبيب ؟ = أشتاق له وأعاتبه .. ومنهو يكدر خاطري ؟
دورة حياه أعيشها ...ينتابني شيٍ غريب ! = أزعل عليه .. ألجأ إليه ! وأتوّهه في دائري
كنّي معه قطرة ندى .. يصبح ورق غصنٍ رطيب = أداعبه وقت الفجر .. يظهر نسيمٍ عاطري
أو الصحاري الظاميه في شمسها حر اللهيب = ترجي غيوم ملبده ..يتبعها جوٍ ماطري
أبقى بدونك حايره مالي في هـ الدنيا نصيب = رحله سهر تبدأ معي .. قلبي بدونك ساهري
إزهر بساتيني فرح ..معك الحياه تحلا وتطيب = سكّه سفر هي بيننا ..( كنسلها ) وإفرح ناظري
خلاص أنا مقدر على بعدك حبيبي لا تغيب = اسق الصحاري خلنا .... في جو حالم شاعري[/POEM]

.


.