غِنَاءْ !

[خالد صالح الحربي]

:
أغنّي لك وَ اجَدّل لَكْ من أشْوَاقي ثلاث أشْيَاء .
ــــــ أرَقّ اللّي حَوَى صَدْري وْ صَدْري مَا حَوَى غَيْرَك .
وْ حَاجَة قِل [ خَلِيط من الهَوَا وَ الأمنِيَة والمَاء ]
ــــــ و شَيءٍ يُشْبِه لْقُولَة : عَسى الله يْكَثّرِه خِيرَك .

 

[خالد صالح الحربي]

:
هِنَا طَعْم الغِنَا : ثَاني
ـــــــ هِنَا تغـريبتي : تِحْلَوّْ ..
هِنَا لا مَالَت أغصَانِي
ـــــــ أسوّي من الأماسي ضَوّ
من أوّل آخِر إيمَاني
ـــــــ إلى اخِر زَنْدَقاتي ، أوّْ
بقايا [ لوثة أحزَاني ]
ـــــــ من اللّي مبطيٍ مو.. تَوّ .
كثيري : خالدٍ فانِي
ـــــــ قليلي ما اعَرِف مِنْ هُوّ !!

 

[خالد صالح الحربي]

:
وِدّي أغنّي وَ اخَلّي هالقَلَم : [ نَاي ]
ـــــــ فِينِي غِنَا .. يَكْفِي لْكِلّ الْـ.خَلِيقَة .
ياَدَربِي اللّي كِثِر مَا يعْرِف حْذَاي
ـــــــ عَطْنِي فَرَج أو أنا بأعطِيك ضِيقَة !

 

[خالد صالح الحربي]

:
على قولَتْك يالزّهراني اللي قلت :
جَيت أجمّل وجهي البَارح لـْ..غِيري
ــــــــــ اكتِشَفت ان ما لي بْوَجْهِي عِلاَقَة !
وأغنّيها عَلى بُعْد انْخِذَال وْ جَرْح ،
ــ ويَرْجَع لِي صَدى كُلّ المَرَايا : يَا ..
[ ألَم نَشْرَح لكَ صَدْرَك] يتِمّ الشّرْح،
ــ ولكنّي :
أغصّ بهمزة الأعيَاد والـ إعيا !

 

[خالد صالح الحربي]

:
وادنّدِن لِك ثَلاث أربَع من طْعونِي
ـــــــــ وإذا ماكَفّن الأربَع بـَ..ادَنْ دِن لِكْ !
مِن أوّل مَا أعَدْت الدّمْع لِـ عْيُوني
ـــــــــ إلى آخِر نَبْضةٍ فيني "تمَيْجن لك" !

 

[خالد صالح الحربي]

*
مَا بِقَى بالصَّدْر لـْ. عيُونِكْ [ غِنَاءْ ]
ــــــــ الْغِنَاء : اللّي تْخَبْرِينِه [ صَلاَهْ ] .
مِن وِطَيتِي الأرْض نَبْتَت بِي سَمَاءْ
ـــــــ مِنْ طَوِيتِي الفَرْض مَاتَت بِي حَيَاهْ
[ لَحْن مَائِك ] ظَامِيٍ للـْ انْتِمَاءْ
ــــــــ مَا فَنَا .. إلاّ بَعْد مَا عُودِي نِفَاهْ !!
[ طُزّ بالنَّوتَة ] إذَا عُدِمَ الوَفَاءْ
ـــــــ مِنْ حُدُود النَّبْض لحْدُود الشِّفَاه

 

[خالد صالح الحربي]

:
[ ] أو مَاطِلِع صَدّقِينِي
ـــــــ يَا لِك بْصَدْرِي شَيّ ، لَو تِدْرِكِينِه :
مَاكَان رَاهَنْتِي عَلى نُون عِينِي
ـــــــ وَلاَ عَلَى بَحْرِي بْشَظفَة سِفِينَة .
طِلّي بْصَدْرِي مَرّة و قَابِلِنِي
ـــــــ إن كَان بِه غِيرِك فَـ جِذّي وِتِينِه !

 

[خالد صالح الحربي]

:
[ ] مِن مَفْرَق الحَارَة
ــــــــ وانَا دِخِيل الهَوَى مِن يَوم مَا كِنْتِي .
أسَوّي من الوَرَق والخَيط [ طَيّارَة ]
ــــــــ واعَلّق النَّبْض كُودِك .. لا تِبَيَّنْتِي :
تْشُوفِين كَيْف الغَرِيب يحِنّ لِـ ديَارِه
ــــــــ وشلُون لاَ صَارت ديَار الغَريب: أنْتِي !