" خليتني وأنت حالف ماتخليني "

[سعـد الوهابي]

بسم الله . .

جديدة متواضعة . .


[poem="font="simplified arabic,6,darkred,bold,normal" bkcolor="transparent" bkimage="" border="none,4,darkred" type=1 line=0 align=center use=sp num="0,black""]تعال خذني بحنانك ذبلت سنيني = ماعاد بي دون وصلك حيل أو حيلة
" خليتني وأنت حالف ماتخليني " = ياويل قلبي بعد فرقاك ياويله
مبطي وأنا في انتظارك متعبٍ عيني = أخيل براق وصلك وأحتري سيله
لا ِحنّ رعاد قُربك ترجف ايديني =وأموت كلي عطش وظروفك بخيلة
ترزّم وعودك وتدوي في شراييني = ماهل غيماً تباطيته وأنا أخيله
أمُر ذكراك مَر ومَر تأتيني = وتأخذ بقلبي على سكة مراسيله
زمان كان الوصل غيمته تغريني = زمان كان التعب أحلى تفاصيله
أتعب على شوفتك واسوق رجليني = في ليل شوقٍ ضوت أحلى قناديله
أدوج في ظلمته والحزن طاويني = وأصبّر القلب بالعمر ومقابيله
واليوم ياأغلى البشر وينك وأنا ويني؟ = ظروفك الوقت وأنا عروقي محيلة
فإن جيتني مرحبا تسكن وسط عيني = وأنسى الجفا اللي مضى وانسى غرابيله
وإن رحت عني فمن دنياي يكفيني = إني الوحيد الذي في الوقت تأوي له [/poem]




(احترامات . . مرصوفة)

سعـد