زعيــــم العصابـــــــة

[ماجد العزلي]

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياغافيـة بعيـون الايتـام تكفيـن=صبرك أجابـه لوتطـول الأجابـة
طفل الفقر يرسم بصدري شعاريـن=انتي وانا وانتي وانـا والسحابـه
وقولي لهم فقري قطف حبة التيـن=ودمـوع عينـي تنتحـر بالكتابـه
وأعتب على عكاز ضحكي وتبطين=ماقـد عرفتـي هالحـزن والكآبـه
وماتت شبابيك القهر من سؤاليـن=متى وكيف الموت يعـزف ربابـه
وشوفي آثار اقدام رجلي على الطين=ونفس الوجيه اللي تشابه تشابـه
طاحت بكفي دمعة فـراق الاثنيـن=ضميتهـا وحضنتـهـا بالنيـابـه
وغابت شهر عن حينا وابتداء البين=ينعـق غرابـه وخنقتـه الذبابـه
وقمـت اتذكرلعبنـا قبـل عاميـن=انتي الظبي وانا زعيـم العصابـه
والاصباح السبت يومـك تنوحيـن=وتقرين صوره من حياة الصحابـه
واجمل من الذكرى بحي المساكيـن=يوم نتواعد عنـد بـاب الخرابـه
نظمأ غلا مانرتشـف ميـة العيـن=ونبقى الغلابـه دام فيهـا غلابـه
وياغافيه بعيـون الايتـام تكفيـن=طفلك صرخ وانا فهمـت الاجابـه [/poem]