يا حامل الفاس . فاسك وين تهوي به
ـــــــــــــــــــــــــ هذا الشّجر مُثمر و دوب الشتا دوبه .
كم مرة ٍ مدّ ظِلّه وإنت تغفي به
ــــــــــــــــــــــــــــ وارف ظلاله خطا .. و الجود عذروبه
واللي إستتر عن جميع الخلق تقريبه
ــــــــــــــــــــ أولى ولكن هواي الموج وإركوبه
والروح ما غرّها من عقب تغريبه
ــــــــــــــــــ صارت تميّز شروق النور وإ/غروبه
بأروي عروقه مطر .. والنبض يسري به
ـــــــــــــــــــ واللي إكترث بالسراب اليوم أكذوبه
وأزرع شعوري طِفِل بالغيم وأرعي به
ـــــــــــــــــ وإذا هطل صافي ٍلعيون رعبوبه
ينبت على جرّة الغيمة أعاشيبه
ـــــــــــــــــــــــ مشاعرٍ من زلال الشعر مكتوبه
والجرح فيني وأنا تركت تثريبه
ــــــــــــــــــ الدمع فاضح وخايف ينكشف ثوبه
الشعر نزفه سقوط و دايم أرقي به
ـــــــــــــــــــ أطيش مَعْ دمعته وأجري على دروبه
والجاهل اللي جَهَل،يكفيه ترهيبه
ــــــــــــــــ علّه يتوب إن صَلَح وإ/تصحّ له توبه
ياحامل الفاس /فاسك وين تهوي به
ـــــــــــــــ هذا الصّخَر ناضح ودرب العنا دوبه
آخر المشاركات
12-02-2013, 10:44 PM
حامل الفأس ..!!
العرض الشجري