ثوب الكودري

[كريم العفيدلي]

ثوب الكودري

الفتنة اللي قد خذاني بحرها
كني بهواها ماشيٍ للحتوفي

أسهر مع الذكرى واقلّب صورها
ودموع عيني على خدي ذروفي

الناس تحكي بالمعيشة وقدرها
وانا ب"ثوب الكودري" كل ظروفي

يشكي جسدها من الأقدام لنحرها
لعنة أبو الخياط ماهو بعروفي

استوطن القرن الافريقي بخصرها
وأرض الخليج بصدرها والردوفي

وتماوج* "البحر الطويل"* لظهرها
"لذة غرق"* بأوصافها يا حروفي

تمشي " تبختر" كالأميرة* بقصرها
مشي الأصايل على ضرب الدفوفي

بنت القروم اللي غزيرٍ مطرها
اللي خذوها بجودهم والسيوفي

قولوا لها : روحي تزايد خطرها
ودواي وصلك ياغناة الوصوفي

يالاجودية اللي تناهى خبرها
سوي بمنهو ذاب فيك معروفي

من صدتك قلبي المشاعر نحرها
وأعلنت عن دنيا المحبة عزوفي

لا تاخذيني بكذبةٍ.. مختصرها
(لا تمشي بين العفيدلي والجروفي)

شعر : العفيدلي

 

[عبير البكري]

سلمت الايادي أبدعت