ديوان بدر الحنيف

[بدر الحنيف]

::

السيل والبلد


قعدت افكـر بالبلـد والسيـل بحـدود البلـد
واشعلت نيران الشعر والعين طـار انعاسهـا

من وين أبدا وانتهي والسالفـه عيـن ورمـد
تضرب هواجيس الشعر اخماسهـا بأسداسهـا

بالترفه الي ذكرها ينعـش شراييـن السهـد
يذوب قلـب العاطفـه لا هبهبـت نسناسهـا

ثورة حلا مخطورة ٍ ترمـى بنظـرات الحسـد
وجودها يعني حسن يلغـي حسـن جلاسهـا

لا سولفت يقطر شهد من خلف نيـران البـرد
والموت وقت الململه لاجـت تجـر انفاسهـا

تلعن شياطين الطفـش والفلسفـه وام النكـد
لا مرت بنفحت ملل تحتاس وهي ما حاسهـا

ما كنها الا للغـلا عنـوان واطنـاب وعمـد
تغرق مفاهيم الشعر لاعشت دفء احساسهـا

الفاتنه ، اللينـه ، الناعمـه ، عيـن السعـد
معذور لو نام الترف بيـن الجسـد والباسهـا

اغفا على صوت الغلا وأقول ما عنـه مصـد
واصحا على " حدا " يدق من الحروف اجراسها

تقول نصـا بالشعـر أبـا اذكـره كمـا ورد
( عرّب وليدك عربه والنار مـن مقباسهـا )

واردد الـي يردفـه واردده ديــن وعـمـد
( بنت الردي لا تاخذه لوهو طويل ٍ راسهـا )

واسكت وألقا الصاعقه بالي بعـد هـذا يـرد
( العز بوروك النسا ، اللي عريب ٍ ساسهـا )

من وين ابا اهرب والعذر ما له مسافات ومسد
يا ضيق ، ضيق الدايره والنفس تطبخ فاسهـا

وارجع واقول ان الغلا هذا يجي عنـه مصـد
لأن كـل عاقـل خصيـم لنفسـه وسواسهـ

سلام يا أجمل ملامح وأجمل احساس وجسـد
ما توخذ البنت لحسن توخـذ لعـزة ناسهـا

السيل وقّف واندحر مـا هـدم سـدود البلـد
ما دام كل عاقل خصيـم لنفسـه ووسواسهـا