بـس لا تسافـر

[سعد المطلق]

من القديم(هي محاوله شعريه)





[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]اشوف وجه الحزن يا سيدي سافـر=تبي الصراحه فراقك صعب تصديقـه
ياشيب عيني من الاحزان يـا باكـر=وشلون ابا اصبر على الايام والضيقه
نارالموادع عـذاب وجمرهـا كافـر=وجه الصحاري يباس وحل تغريقـه
دخيلك ازعل تدلـع بـس لا تسافـر=ابك انت طاري غيابك شي مااطيقـه
صعب انحني للضياع وصعب ابكابـر=لاخان دمعي عيوني كيف ابا اعيقـه
ان كان ماللخطا في شرعكم غافـر=ابا اجمع أشتات عمري عقب تفريقه
اروض الوقت لكـن مانـي بقـادر=قفت سنين العمر واقفـت مواثيقـه
ما بالمساء غيركثرالهـم يالصابـر=وقلبٍ يهد الضلوع بكثـر تصفيقـه
اسمع بعوج الحنايا هوش ومعافـر=يكفـخ خفوقـي وتلنـه معاليـقـه
يردني صوب ذنبـي حظـي العاثـر=واردهـا للزمـان وقـل توفيـقـه
يا صبح ليلك حزين ويكسر الخاطـر=ما ينعرف وين تغريبـه وتشريقـه
بينه وبين الحزن والمهـره النافـر=طيرٍ زبن للسماء واقفـى بتحليقـه[/POEM]