البحيرة والنورس

[حمد الدوسري]

مالصوتي يالتناهيد ليل ولا نجوم
.......................وان تخطيتي جمر صاحبي لا تمتلي
دوّري عن دورة البن وادلال الهموم
...............................لين ينطرب تايه العقل ولا يبتلي
سامح الله قهر الاصحاب دوم وكل يوم
...............................قهر تفليه الليالي وقهر يصطلي
وانت ياللي كل مااخطيت جابتك الغيوم
...................،.........مرني ديمك ولفِّيت يوم اقبل علي
ماطفت عنك الأغاني ولا بالقوم نوم
...............................الولد عيَّت همومه وعيّا ينسلي
ابتسم للناس واجامل وغيري مايقوم
.........................وش جرالك يومك اهملتني ماقلت لي
ماكويتك كية القهر واكثار الوسوم
.............................القهر ماهو بطبعي ولا طبع اهلي
صد كيدك لايجي منك تحطيمن ولوم
...............................ربك اللى رز وجهي وزين مقبلي
صدقت نفسك وفرطت بالصدر الرحوم
...................لين صرت ادنى طموحي على نار امصلي

 

[حمد الدوسري]

ماعاد تفرق معي حضور والا غياب
أصلا حضوري يغيِّب من غيابه حضور
غلاه واللي جمعنا صفحةٍ في كتاب
اسقيتها خافقي وارويت شح السطور
وانا وقلبي جنينا مازرعنا اكتئاب
ثمارها للأسف تشوهت بالغرور
يا طلْع غصن الغلا خيبت ظن السحاب
يا زاد غيمٍ يمرك وامتلى بك شعور
ويا مستبد بمواعيد الغلا والحساب
يا جاهلن بالمشاعر والشعِر والزهور
يوم انت ربي عطاك مسببات العذاب
وش عاد لو هو عطاك أرواحنا والصدور
يا صوت نبض الحقايق رد باقي الجواب
ماعاد باقي حقيقة غير ظلمه وسور
ويا ذنْب قلبٍ تعنى وانغرس فيه ناب
يا قاضيًا يحسب إن الحب لحظات زور

 

[حمد الدوسري]

بعد كل الذي قلته وبعد منتم سمعتوني
قبل ما اوجه الخطوه قبل ما ارحل واخليكم
اقول انتم صدمتوني وفي هالدنيا كتبتوني
قصيده صافي جمهوره دموع بس تحييكم

 

[حمد الدوسري]

البارحه شيلتك.. لمّت دموعي
تصوري.. شميتها لين ضاقَت
تناثرت .. وادفى طرفها ضلوعي
وارْخَتْ عطرها في عطرها وشاقت
تخيلي.. ذابت !! ولولا دموعي
مالت على نقشاتها ما اْستفاقَت
تكلمتلي.. رحت اشبشب شموعي
وامسح دموع بالمحاجر تساقَت
تعبرت.. وادمعت.. من غير ما اوعي
وهمومنا من غير ما احلف تلاقَت
تساءلت: بردان ؟ تعرف ربوعي
كم خفت من سبة هواشي ولاقَت
ذكَّرتها .. زارت فنادق رجوعي
ذكرتها.. مسحت عَلَيّ وتشاقَت
قالت: حمدْ الحين تذكر دموعي
ثرثرت : ما غيرك ب هالجيل شاقت
في سيرتك.. ضاقت بتبغي ضلوعي
لا والله الاّ دبي بالخمْر ضاقَت

 

[حمد الدوسري]

قالوا حبيبك يسمع الشعر قلت أيه
يقراه بعيوني قبل تسمعونه
لولاه حتى طاري الشعر ما ابيه
مير أكتبه من شان خاطر عيونه
هو روح شعري وأمنياته وماضيه
جذع الشجر وش كان لولا غصونه
اكتب لغيره والقصايد تجي فيه
كن القصايد حالفه ما تخونه
هذاك لا منه زعل قمت أهاديه
حتى وهو مخطي تعذرت دونه
يمكن لو أنه يلمس الجرح بيديه
يستغرب ان اللي لمسها طعونه
ابطى وهو غايب وزلت حراويه
وأنا من العام آتحرى مزونه
هو مادرى اني في غيابه محاتيه
ليته نشد عن حالي اللي يجونه
واقلبي اللي توه أفلت عراويه
كيف انسرق وضلوع قلبي حصونه
عجزت أرده كان ماني براعيه
يوم انتثر شوقه وهاضت شجونه
يبسن عروقي لكن اللي يعزيه
ان اكثر العالم تردد لحونه
خافو من الله لا تجيبون طاريه
لا صرت أنا موجود لا تذكرونه
لو كل غالي جابه الله لغاليه
ما شفت لك مخلوق تبكي عيونه

 

[حمد الدوسري]

البارحه شيلتك لمّت دموعي
تصوري شميتها لين ضاقَت
تمايلت .. وادفى طرفها ضلوعي
وارْخَتْ عطرها في عطرها وراقت
تخيلي .. طاحت !! ولولا دموعي
مالت على نقشاتها ما اْستفاقَت
تكلمتلي.. رحت اشبشب شموعي
وامسح دموع بالمحاجر تساقَت
تعبرت .. وادمعت .. من غير ما اوعي
وهمومنا من غير ما احلف تلاقَت
تساءلت : ولهان ؟ تعرف ربوعي
كم خفت من سبة هواشي ولاقَت
ذكَّرتها ساعة مباخر رجوعي
ذكَّرتها .. مسحت عَلَيّ وتشاقَت
قالت : حمدْ الحين تذكر دموعي
تمتمت : ما غيرك ب هالليل تاقت
في ديرتك ضاقت بشعري ضلوعي
لا والله الاّ دبي بالقرب ضاقَت

 

[حمد الدوسري]

يسألوني عابره وين الجديد
والاجابه ضايقه فيني ملل
راحت ايام السعاده والقصيد
عشتها بين التكانه والجهل
كنت اروض شارد الحرف العنيد
ماعسرني لو بغيته في عجل
فيه اصور لوعة الحب الأكيد
ومنّه(اشكل) ماحوى قلبي غزل
ومعه (اسافر) عن معاناتي بعيد
ولأجل حبه ماشحنّي من زعل
احضنه (فرحة) طفل في يوم عيد
واسكنه (روض) الخزاما والنفل
واحتويته ليت لي (قلب ٍ) بليد
ماعرف (فرق) الجزاله والهزل
والنهايه مابقى عندي جديد
واعذروني صارت ايامي ملل

صديقتنا الشاعرة الجميلة (عابرة سبيل)