مُتنفس .. شِعري !

[صالح العرجان]

لبيه .. وش اكتب من الشعر .. و يفيد ؟
‏ياللي لياجيتي .. تجين ( مهيوبه )

‏من حد سلسالك .. إلى اسوارة الـ إيد
‏يا أم الحلا شرّف بك العيد دوبه

‏رحمة انخلقتي لي و فرحة ضحى عيد
‏لكن على باقي العذارى ( عقوبه ) !

 

[سعيد الموسى]

قولي لمن ماخذ مكاني " عوافي "
__ يليق بك ياسيّدة " له تليقين "
ماهو مقامك شخص مثلي سنافي !
__ الواطية - تلقى لها ناس " واطين "

 

[صالح العرجان]

،



ان لم تكن راس حربه ضد من حاربوك
‏حطو برجلك قياد وفي رقبتك .. حبل ..؟!

 

[سعيد الموسى]

____

كِل مامرّ الكلام
‏من الهدب !
‏غرّد العصفور
‏ياغصن التعب !
‏.
‏.
‏ينثني لك
‏ألف غصن
‏تقطف البسمه
‏ثِمر !
‏في تمامك ...
‏في غمامك !
‏ساعة الـنسيان موعد !
‏من شعر !
‏لحظة الحاله ..عجب !
‏بسمتين إلا مطر !
‏قطرتين إلا هدب !
‏تقفل الدفتر ــ ويتساقط عنب!
‏والقلم مليان
‏ياشاعر .. رطب !

 

[نورة القحطاني]

ماتعمّدني .. ضياع .. الأمنيات !
وماكسر مجداف هقواتي خطر !؟

وماعزل روحي عن الناس الشتات !
وأنت لي موطن ، وأحباب ، وعطر !

 

[سعيد الموسى]

ماهو ترى - هذا الأرق
‏هذا الذي - براسك - غرَق !
‏صدّقني إنه " مافرَق"
‏الموجع - إنك تنسرق - من داخلك في خارجك
‏من آخر اعلى أضلعك
‏حتى إلتفاتة - أصبعك !
‏عينك على الحائط : تطوف "
‏وتشوف هالساعة - سيوف !
‏كل سيف :
‏يبتر أمنيه
‏كل سيف :
‏يقتل أغنيه !
‏هالساعه العن :حاكمه
‏تبطش ولاهي نادمه!

 

[سعيد الموسى]

*
__

*

‏صدقيني ..
الناس ملئ ..
‏والصدور اللي تشوفي ..
‏فيها ربكه .. فيها فوضى!
‏والعيون الضاحكه ..
‏بالحزن أحيان غرقى!
‏والقلوب اللي تمر
‏.. فيها جرحى!

 

[صالح العرجان]

"



قالت غيابك وانتظارك جمر
وابطت تعاتبني وتتشره

قلت ابشري والرمش يامر أمر
يالول وجداني ويادره

واللي جمعنا يا انتظار العمر
ما اعود هالفرقا ولامره .. ؟!