لساني مرمي هناك تلعقه الارصفه ..
عبدالرحيم فرغلي
من اول الصبـــح يا فتـــاّح خــذ له نفس
عن كربة الصدر واخرج للحيــــاه بيدين
بيضـــــاءْ وتلى آيةِ الدَين وبعــدها درس
كل شي مكتوب يرجع لاهْله لو بعد حين
قام يتـذكّر من اللي ما انكتب له وهمس
بإذنه بأن الحيـــاة تمـــــوت في الطيبين
ثم ابتسـم من وقار يعيش حزن وعطس
في يوم يرحمــه ربي ، زوّد بعطســتين
والتاجر اللي بيمينة ضاق خلقة وعبس
يا ضيقة الخلق طشيّ عن يسار ويمين
عن ناس ماجو بهالدنيا ومنهــم غطس
في بحرها واختنق في بطن حوت ثمين
مضى يحدث باعة السوق القديم ولمس
بإحساسهــم له معـزّة عامرة من سنين
"تعال يعقوب عطنـي صبر" وكنّه دهس
شريان نبضه بلا رحمــة وشــل الوتين
"ماعندنا الحين شي" اشبه برنة جرس
في اذنه للحين تقـرع كلمة الدين شين
نهض يلم الطريق بحلـم صـــدر خرس
فــمّ الكـــلام وتزعزع حلمه لحاجتين
قوت يسد لغداه وحاجـــة اخرى امَس
تلامسه عن كثب وتلامسـه عن يقين
وتعوّذ ابليس يومٍ قال ما انت لأوس
والخزرج اللي قصدت بحسبة الميتين
وما انته لحاتم متى يممت يذبح فرس
لاتسرج اللي مضى من عاديات الحنين
رجع من السوق له وجـه كظيــم ونكس
راياته البيض في حوش الوساعة سجين
ياحوش من سجن فرّج ما عليها حرس
دعوة فقير ترفرف في سماء المعـدمين
آخر المشاركات
10-05-2022, 02:50 PM
العرض الشجري