مدار الجدي

[عبدالعزيز الروابة]

المشاركة الأصلية كتبت بواسطة صالح الحمود

...... ( مدار الجدي)....

الرجل لو هو بحَـر يلـطـم عـلـوم وْملي
كان ما يلـطم ظروفـه يبي يلـطم قـهـر

ما يطول العز والمجد والشأن العَلي
واحـدٍ يـقْـدِم عليهـا ولا قـدّم مـهـر

عزّ يا راسٍ يطـاول نجـومه بالـعُـلي
وطَلّ يا راسٍ يطاول نجومه بالسهر

وعشْت يا راسٍ معاشه على الرّب الولِي
وشهْت يا راسٍ معاشه على راس الشهر

آتباهى بالرجـال الأكـارم واشـتلي
واتصاغر حاسديهم واماريهم جَهَر

يا كثِر حسّـادة الـقرم والرجْـل الملي
ويا كثِر من يطعنون الافاضل بالظّهَر

كلّ ما جاد الكفو بالمكارم والحُلي
كلّ ما جـاد الردي بالغبـينة والقهر

يفرق الأكرام عن غيرهم فرقٍ جَلي
زيّ ما يفرق نبات الكما عنْ الزهـر

الـردي عَـٰلى ( مـدار الدهـر ) دلـوٍ خلي
والكفو عَـٰلى (مدار الجدِي) منبـع نهـر

جيتهم ضيفٍ يجوب الفيافي والخِلي
وأحـدٍ لـزّم وطـلّـق .. والاخـر اكْـفـهر

الكفو من (حـرّ ماله) ذبح لاجلي طلي
والردي من (حرّ ما به) ذبح نفسه قهر
.

ومهر هذا النص أن المتلقي بحاجة لاحساس مرهف حتى يحصل على لذة هذا النص المترف المليئ بالشعر صح لسااااانك
شاعرنا القدير صالح